Independentisten ahotsa Espainian egotearen garrantzia aldarrikatu dute
Espainiako Gorteetarako Hauteskunde kanpaina betean, Oiartzungo EH Bilduk ekitaldia egin du gaur goizean Doneztebe plazan.
Espainiako Gorteetarako Hauteskunde kanpaina betean, Oiartzungo EH Bilduk ekitaldia egin du gaur goizean Doneztebe plazan. Independentisten ahotsa Espainian egotearen garrantzia aldarrikatu dute: “Espainiara goaz gure burujabetza aldarrikatzera, gure bizitzako eremu guztietan guk erabaki nahi dugulako kanpo esku hartzerik gabe. Independentzia guztien artean eraiki behar dugu, pausoz pauso eta esparruz esparru”.
Lurrean marraztu duten Independentzia hitzekin egindako mosaikoa zapatez bete dute gero, talde bakoitzak esparru bat ordezkatuz: euskara, ekologia, kirola/ofizialtasuna, justizia soziala, etorkizuna, askatasuna, hezkuntza, feminismoa, lan mundua, elkartasuna, kultura, memoria eta herrigintza.
Senaturako hautagai Pavel Viñas oiartzuarrak hitz batzuk esan ondoren bukatutzat eman dute ekitaldia.
