Oskar Matute eta Jone Etxeberriarekin solasaldia antolatu du EH Bilduk, Donibanen
Egungo ekonomiari zein portuarena bezalako "inposizioei" buruz ariko dira bihar Victor Hugo Etxean. EH Bilduk jarduera gehiago antolatu ditu aste honetarako
Hauteskunde kanpainaren harira, EH Bilduk hitzaldi bat antolatu du bihar arratsalderako, Donibanen. Bertan Jone Etxeberria ekonomialaria eta
Oskar Matute Gasteizko legebiltzarreko kidea izango dira bertan. Profil ekonomikoa izango du, gehienbat, hitzaldiak, eta egungo egoeraz gain, portuarena bezalako “inposizioak” izango dituzte hizpide. Solasaldia Victor Hugo Etxean izango da, 19:00etatik aurrera.
Horrez gain, beste hainbat ekitaldi antolatu ditu ezkerreko koalizio subiranistak, hauteskunde kanpainari hertsiki lotutakoak. Igandean Donibanen egin zuten bezala, bihar arratsaldean Antxon zehar eskuorriak eta botoak banatuko dituzte. Basaritik aterako dira, 18:00etan.
Ostegunean, berriz, San Pedron eta Trintxerpen ibiliko dira. Zita Antxetan jarri dute, 18:00etan. Azkenik, Donibanen, berriz ere, ostiralean egingo dute banaketa. 19:00etan irtengo dira plazatik, Meipira iristeko. Bixi-Bixi elkartean egingo dute kanpaina ixteko afari-merienda.
Jone Etxeberriak egoera ekonomikoa izango du hizpide
