Batukadaren erritmoan, bueltan da jabekuntza eskola

Bihar egingo dute lehen saioa, Antxoko ikastolan

lafuria

La furiak gidatuko du artea eta jabekuntza lotuko dituen ikastaroa

Batukada feminista ikastaroarekin ekingo dio ikasturteari Pasaiako Emakumeen Jabekuntza Eskolak. Bihar egingo dute lehen saioa, eta hurrengoa hilaren 22an izango da, biak, Antxoko ikastolan, 18:00etatik 20:00etara.  Arantxa Vicedok eta Ainara Sarasketak gidatuko dituzte saioak. Azaldu dutenez, hainbat musika-tresna jotzen ikasteaz gain, gozatzea eta emakumeen artean harremanak sendotzea dira, besteak beste, ikastaroaren helburuak. Bide batez, aldarrikapenak plazaratzeko espazioak okupatu eta erabiltzea lortu nahiko lukete. Eskolaren eskaintza, baina, ez da batukadara mugatzen. Hilaren 11n, 18an eta 25ean, bideogintza tailerra egingo dute Don Bosco ikastetxean. Saioak 18:00etatik 20:00etara izango dira eta Itziar Bastarrikak gidatuko ditu. Lantaldean bideoa egiteko prozesua landuko dute, gaia hautatzetik edizioraino. Emakumeen sarea ehunduz Horrez gain, hamabostean behin emakume migratzaileen topagunea antolatuko dutela gogorarazi dute. Lehen topaketa hilaren 11n izango da Antxon, eta hilaren 13an Trintxerpen. Antxon, gizarte zerbitzuetan bilduko dira emakumeak, 18:00etatik 20:0oetara, eta Trintxerpen, 11:15etk 12:45era alkateordetzan. Bi kasutan Beatriz Zalakainek gidatuko ditu saioak. Bestalde, asteazkenero indarkeriari gabe bizitzearen aldeko hautua egin duten emakumeentzako autolaguntza taldea biltzen jarraituko duela iragarri dute. Lehen bilkura hilaren 13a da, Errenteriako Merkatuzarrean (eskualdeko taldea da biltzen dena). Artea, jabekuntzarako tresna Musikak, literaturak eta zineak ere izango dute tartea eskolaren eskaintzan. Nerea Lorón La Furia abeslariak gidatuta, aipatu hiru arteen inguruko pintzeladak aztertuko dituzte ikuspuntu feministatik, eta azterketa horien bidez, sexismoa eta generoaren rolak landuko dituzte. Lehen saioa hilaren 13an izango da, Antxoko azokan 17:30etik 19:30era. Hilabetero bi saio izango dira eta ikastaroa maiatzaren 18an bukatuko da. Sexualitatea eta osasuna Beldur barik izenburupean, sexualitateaz gozatzen ikasteko tailerra antolatu dute Antxon Eider Goiburuk gidatuta. Urtarrilaren 21ean abiatuko da ikastaroa eta ekainaren 8an bukatu. Osasunak ere izango du tartea, zaintzarako gakoetan sakontzeko egingo duten ikastaroaren bitartez. Trintxerpeko alkateordetzan izango da, 16:00etatik 18:00etara, Marilde Osak gidatuta. Mindfulness ikastaroa unean unekoa bizitzen ikasteko, kulturartekotasuna, edota komunikazio tailerrak osatzen dute eskolaren eskaintza oparoa. Hona egitaraua, zehatz mehatz, eta izena emateko jarraibideak.                  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.