Ikasleak elikadura eta hondakinen gaia ari dira aztertzen, eta programa nola garatzen ari den baloratu dute.
Pasa den astean egin zuten koordinazio bilera
Pasa den asteartean, hilaren 19a, Eskolako Agenda 21eko bilera egin zuten Oiartzungo ikastetxeetako —Haurtzaro Ikastola, Elizalde Herri Eskola eta Elizalde Institutua— irakasle koordinatzaileek Lezoko eta Errenteria-Oreretako ikastetxeetakoekin. Udaletako teknikariek zein Eusko Jaurlaritzako Ingurugela-Ceidako arduradunek ere batzarrean parte hartu zuten.
Ikasturte honetan, hezkuntza zentroetan elikadura eta hondakinak lantzen ari dira. Bilera horretan, besteak beste, programa nola garatzen ari den aztertu zuten, eta ikasturte bukaeran egingo duten diagnosiari nola heldu ere zehaztu zuten.