Sexu erasorik ez dutela onartuko ozen esango dute gaur

Oarsoaldeko Mugimendu Feministak elkarretaratzea deitu du 19:00etan Niessenen.

indarkeria-matxistaElkarretaratzea deitu du gaur 19:00etan Niessenen Oarsoaldeko Mugimendu feministak joan den astean emakume batek Errenteria-Oreretan jasan zuen erasoa salatzeko eta elkartasuna adierazteko. Azken erasoa salatzeko eta sexu erasorik ez dutela onartuko ozen esateko Niessen betetzera deitu du mugimendu feministak. Bat egin dute deialdi horrekin gainera Errenteria, Oiartzun, Lezo eta Pasaiako udalek, Errenteriako Berdintasunerako Kontseiluak eta Pasaiako Emakumeen Mahaiak, eta herritar guztiak deitu dituzte elkarretaratzearekin bat egitera. Errenteriako Udalak adierazpen instituzionala egin zuen sexu erasoa gaitzezteko, eta Lezo, Pasaia eta Oiartzungo udalek, zein Errenteriako Berdintasunerako Kontseiluak eta Pasaiako Emakumeen Mahaiak prentsa oharra egin zuten eraso bera salatzeko eta eraso duten emakumeari elkartasuna eta babesa adierazteko.  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.