Materia organikoa birziklatzen duten familiek hobari fiskalak izango dituzte

Auzokonposta eta etxe konposta egiten duten familiek %25eko hobaria izango dute, eta bosgarren edukiontzia erabiltzen dutenek %5ekoa.

Ikerne Zarate Gartziarena

Errenteria-Orereta

2016/01/29

Materia organikoa biltzeko edukiontzi bat

Materia organikoa arduraz birziklatzen duten familiek hobari fiskalak izango dituzte. Hala jakinarazi du udalak, eta horrenbestez, auzo konposta eta etxeko konposta egiten duten familiek %25eko hobariak izango dituzte etxebizitzen tarifen gainean: “konposta programetan izena emana duten familiek eta parte hartze aktiboa dutenek izango dute hobaria”. Horren jarraipena egiteko Ingurumen sailaren datuetan oinarrituko direla zehaztu du udalak. Bosgarren edukiontzia erabiltzen duten familiak ere sarituko dituzte. Horretarako gaika biltzeko programan parte hartze aktiboa izan behar dute familia horiek. Parte hartze aktiboa izateko, 2016 urte hasieratik martxoaren 30era bosgarren edukiontzia gutxienez hilean lau aldiz erabili beharko dute familiek egun ezberdinetan. Udalaren programak direnez biak, datuak badituela eta zaborraren tasaren gaineko hobariak zuzenean aplikatuko dituela jakinarazi du bestalde, udalak, “inolako eskaerarik ez dute egin beharko, betiere baldintzak betetzen direnean”. Jose Cruz Legorburu Ingurumen zinegotziak organikoen poltsa eramaten den aldiro txartel elektronikoa erabiltzea garrantzitsua dela gogorarazi die programan parte hartzen duten familiei, “bestela ezin baita jarraipena egin zenbat eta nola erabiltzen den”. Poltsa konpostagarriak soilik erabiltzeko deia ere egin du Legorburuk. %60 gaika biltzea helburu Errenteria-Oreretan aurten %60 gaika biltzea du helburu udalak, “horregatik saritu nahi ditugu ingurumena eta osasun publikoa babesteko arduraz jarduten diren familiak, egunero egiten duten ahalegina eskertzeko”, gaineratu du Legorburuk.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Materia organikoa birziklatzen duten familiek hobari fiskalak izango dituzte

Gipuzkoa

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik

Renfek autobusekin ordezkatu ditu Tolosa eta Beasain arteko tren zerbitzuak