Nazka eta amorrua gainezka salatu dituzte erasoak hamarnaka herritarrek

Oreretako Mugimendu Feministak deituta hamarnaka herritarrek salatu dituzte joan den astean Errenteria-Oreretan izan ziren bi eraso sexistak.

Ikerne Zarate Gartziarena

Errenteria-Orereta

2016/02/01

Eraso sexistak salatu dituzte.

Oreretako Mugimendu Feministak deituta, hamarnaka herritarrek salatu dituzte joan den astean Errenteria-Oreretan izan ziren bi eraso sexistak. Nazkatuta gaude, baboso eta erasotzaileak kanpora lemapean, 19:00etan abiatu da Galtzarabordako kiroldegi kanpoaldetik manifestazioa. Bertako emakumeen aldageletan kamara mugikorra aurkitu zuten erabiltzaile batzuk aurreko ostegunean. Auzo horretan bertan emakume batek eraso sexista jasan zuen aurreko astelehenean. Herritarrekin batera Julen Mendoza alkatea, EH Bilduko zinegotziak, Errenteria Irabaziz alderdiko kideak, eta PSE-EEko zinegotziak izan dira protesta ekitaldian. Bidean erasoen kontrako oihuak eta haiek salatzekoak izan dira nagusi. Kolektiboki erasoen aurrean tinko, nazka eta amorrua gainezka egiten dituela esan du mugimendu feministako ordezkariak manifestazio amaieran: “Kiroldegian gure gorputzak zelatatzeko kamara jarri duenari garrasi egin nahi diogu, esan nahi diogu baboso zerri nazkagarri bat dela, titiak harago zerbait bagarela emakumeak eta kamara jartzeko erakutsi duen ausardia guztia biltzeko gure artera etortzeko, aurpegia emateko”. Erasoen aurrean autodefentsarako hautua egina dutela gaineratu du, “horretan jarraituko dugu indarkeria sexista gure eguneroko ogia izaten den bitartean. Ez gara biktimak, ez gara subjektu pasiboak, eta ez gara instituzioetatik bultzatzen diren neurri asistentzialekin konformatzen”. Horren harira, Errenteria-Oreretan izan diren sexu indarkeria kasuak errotik ezabatzeko polizia eta epaile neurri zigortzaileez gain, bestelako jarrera, ekintza eta neurriak beharrezkoak direla esan du, eta politika errealak eskatu ditu. Kalea emakumeena Mugimendu feministako kideek esan dute emakumeek auzo eta herrietan libre bizi nahi dutela, eta horrenbestez, eraldaketaren bidean espazio guztiak hartu behar dituztela, “plazak, kaleak, udalak, komunak, antzokiak… Nonahi, noiznahi, nolanahi, bide eta espazio guztietan libre mugitzeko eskubidea aldarrikatzen dugu”. Erasoen aurrean ez direla kikilduko esan du idatzia irakurri duen mugimendu feministako kideak, “ezta isilik geratuko ere, eta erasotzaileak izen abizenekin ezagutu, kaleetatik baztertu eta kanporatu arte” ez dutela etsiko. Txalo zaparrada batekin amaitu da manifestazioa Herriko enparantzan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Nazka eta amorrua gainezka salatu dituzte erasoak hamarnaka herritarrek

Gipuzkoa

Orioko Udalak eskatu dio Jaurlaritzari «lehenbailehen» konpontzeko ‘Gure Gaskuña’ itsasontziaren egoera

Emakumeak gero eta leku gehiago hartzen ari dira Gipuzkoako enpresetako ardura postuetan, motel bada ere

Legazpiko Bellotako langile guztiei ezarri diete aldi baterako erregulazioa

Donostiako Udalak plaka bat jarriko du larunbatean Iñaki Kijeraren omenez

Parte hartzaile gehiago baina emakume gutxiago Behobia-Donostian

Bergara tentsio handiko eremu izendatu dute

Gutxiengoen istorioak eta ahots isilak izango ditu ardatz aurtengo Literaktum jaialdiak

Etxebizitza izango dute hizpide 21. Feministaldian, bihartik aurrera

Erresuma Batuko The Epiphoni Consort abesbatzak irabazi du Tolosako Abesbatza Lehiaketa

Espainiako Gobernuak eraikiko ditu Martuteneko kartzelako lurretan egitekoak diren laurehun etxeak

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da