Bi egun baino ez Lezoko Inauteriak hasteko

Lezoko Inauteriak aurten ekitaldiz beteta datoz. Alde Zaharreko joaldunei emango diete Trapujale oroigarria

2016/02/02

Trapujalek, ziurrenik, aurten ere sutan bukatuko du

Ostegunean, etzi, jaitsiko da Trapujale Martizkone baserritik Gurutze Santuaren plazara. Jaitsieran bidelagun izango ditu Alde Zaharreko joaldunak. Izan ere, horiek izango dira Lezoko Inauterietako bi protagonista nagusiak. Trapujale, urtero egoten dela herriko Inauterietan, eta joaldunak, urtez urte Lezon egon direlako herria girotzen Inauteri garaian. Trapujaleri lehen ongietorria osteguneko 16:00etan egingo diote Lezo Herri Eskolan. Herritarrek 19:30ean egingo diote harrera herriko plaza nagusian. Handik aurrera, festa koloretsua nonahi asteartera arte. Eta mozorroen giroan, mundura begira jarriko da Lezo. Adibidez, Gazte Asanbladak ostiralerako zinemaren mundua ekarriko du, larunbatean Munduko Inauteriak kalejira egingo dute arratsaldez, eta igandean, Murixkakoak arduratuko dira Ipar Euskal Herriko Inauterien kalejira egiteaz, eguerdian. Eta horien artean emanaldi berezi bat ere egongo da. Astelehenean, Orratx! Antzerki Taldeak haien 20. urteurrenaren harira sortutako Trapujale emanaldiaren zine ikuskizuna emango du, Gezalan, 16:00etatik aurrera. Baina badaude horiek baino gauza askoz gehiago. Honakoa Lezoko Inauterien egitarau zehatza (behean, PDFa): Hilak 4, osteguna (Ostegunzuri)

16:00etan, Trapujaleri lehen harrera egingo diote Herri Eskolan.
17:30ean, Trapukoplak kalejira Musika Eskolatik abiatuta. Baserritarrez, trapujalez edo arropa ilunarekin jantzita joan daitek: txapel, makil eta zapiarekin.
19:30ean, Trapujaleren jaitsiera Martizkone baserritik, Tomas Garbizu Musika Eskolako musikariekin eta Alde Zaharreko joaldunekin. Pregoia eta arranpuila.
20:00etan, Alde Zaharreko joaldunei oroigarri berezia emango diete Gurutze Santuaren plazan.

Hilak 5, ostirala (Ostiralori)

09:30ean, Lezo Herri Eskolako eta Lezo Institutuko ikasleen kalejira.
10:30ean, Bekoerrota kiroldegian, Lezo Herri Eskolako eta Lezo Institutuko ikasleen Mundu luze-zabaleko Inauteriak ikuskizuna.
11:00etan, Pasaia-Lezo Lizeoko ikasleek Trapujale Festa egingo dute Gurutze Santuaren plazan (eguraldi txarrarekin Karlos Saldisen) Ondoren, hamaiketakoa eta Trapu Jolasak mailaka.
19:00etan, Zirikuen kalejira eta Sorgin Dantza herritik Murixka Dantza Taldeko kideen eskutik, Bekoerrota kiroldegitik abiatuta.
19:00etan, Lezoko Gazte Asanbladaren poteoa Jaixkipe txarangarekin.
19:15ean, Lezoko Eusakl Dantzazaleek Erdi Aroko Inauterien dantzak izenburupean desfilea egingo dute, eta ondoren,m Gurutze Santuaren plazan, emanaldia (eguraldi txarrarekin Karlos Saldisen).
20:00etan, enkartelada.
21:00etan, Oskar Sarien Gala Gurutze Santuaren plazan Gazte Asanbladaren eskutik.
21:30ean, herri afaria Aizpea ostatuan Lezoko Euskal Dantzazaleek antolatuta. Txartelak Aizpean salgai 15 euroan. Erdi Aroko mozorroekin joateko eskatu diete bertan egon nahi dutenei.
22:00etan, herri afaria Lezoko Ikastolan Lezoko Gazte Asanbladaren eskutik. Ondoren, Emayook elektrotxaranga. Txartelak Tiñelun salgai 17 euroan.

Hilak 6, larunbata (Larunbatgorri)

16:00etan, Lopene plazatik abiatuta, Munduko Inauteriak kalejira. Gurutze Santuaren plazan bukatuko da.

Hilak 7, igandea (Igandubel)

12:30ean, Ipar Euskal Herriko Inauterien kalejira Murixka Dantza Taldearen eskutik Bekoerrota kiroldegitik abiatuta. Gurutze Santuaren plazan emanaldia egingo dute (eguraldi txarrarekin Karlos Saldisen).

Hilak 8, astelehena (Astelehenarre)

16:00etan, Gezalan, Orratx! Antzerki Taldearen Trapujale emanaldiaren zine ikuskizuna Gezalan.
18:00etan, Karlos Saldise plazan, Eclipse taldeak prestatutako Flash Movie-a, eta ondoren mozorro lehiaketa eta txokolatada.

Hilak 9, asteartea (Asteartebeltz)

15:15ean, Gurutze Santuaren plazan Trapujaleren epaiketa txikia Lezo Herri Eskolako ikasleekin.
16:00etan, txokolatada Lezo Herri Eskolan.
19:30ean, Trapujaleren epaiketa Gurutze Santuaren plazan. Herio bidaia, Inauteri agurra eta txerrijana plazan.

Lezoko Inauterien egitaraua 2016

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.