Aisa euskara eskolak, etorri berriei begira
Herritar etorri berrientzako hastapena ikastaroak dira Aisa eta Errenteria-Oreretara, Lezora, Oiartzuna eta Pasaiara etorri berri diren eta herri horietan erroldatuta dauden 16 urtetik gorako herritarrei begira antolatu dituzte.
Aisa euskara eskolak antolatu ditu Oarsoaldeko Euskara Batzordeak Oarsoaldeko lau udalerrietako udal euskaltegiekin eta AEkren euskaltegiekin elkarlanean. Herritar etorri berrientzako hastapena ikastaroak dira Aisa eta Errenteria-Oreretara, Lezora, Oiartzuna eta Pasaiara etorri berri diren eta herri horietan erroldatuta dauden 16 urtetik gorako herritarrei begira antolatu dituzte.
“Euskararanzko lehen hurbilpena egitea da programaren helburua, gerora, euskaltegien ohiko eskaintzetara urratsa egiteko moduko lehen oinarria izatea”, azaldu dute arduradunek.
Errenteriako eta Pasaiako Udal Euskaltegietan eta Errenteriako Xenpelar AEK, Lezoko Oroitzene AEK, Oiartzungo Intxixu AEK eta Pasaiako Txirrita AEK Euskaltegietan emango dituzte eskolak. 60 orduko iraupena izango du ikastaroak, astean lau ordu emango dituzte, eta martxoaren 1ean hasiko dira eskolak. Interesdunek hilaren 29a arte izango dute ikastaroetarako izena emateko aukera, eta horretarako, bere herriko udalaren euskara zerbitzura jo edo deitu beharko dute.
Matrikulak, 5 euro
Ikastarorako matrikulak 5 euro balio ditu, “eta horri aurre egiteko laguntzak daude, informazioa eskatzea baino ez dute izena emateko momentuan”, gaineratu dute. Ikasturte amaieran, ikasturtearen aprobetxamendu egokia egin duten ikasleek agiria eskuratuko dute, gainera. Seme-alabak dituztenentzat, berriz, eskola orduetan doako haurtzaindegi zerbitzua eskaintzeko aukera aztertuko dutela antolatzaileek jakinarazi dute.
Oarsoaldeko euskara zerbitzuak:
- Errenteria: 943 44 96 13 (Herriko plaza z/g).
- Lezo: 943 51 34 76 (Donibane kalea, 2).
- Oiartzun: 943 49 38 42 (Fermiñene etxea. Aialde, 3).
- Pasaia: 943 00 43 30 (Euskadi Etorbidea, 61).
