Gazte Izanak-ek txangoa egingo du martxoaren 25ean
Sarobe Erreka eta Ordozelai arteko bidea egingo dute erretiratuek. Ondoren, bazkaria egingo dute. Hilaren 24ra eman daiteke izena.
Oiartzungo erretiratuek badute plana martxoaren 25erako. Gazte Izanak jubilatuen elkarteak oinezko txangoa antolatu du egun horretarako. Iturriozoko Beko Soro plazan jarri dute zita, 10:30ean, eta Sarobe Erreka baserrian gosalduko dute.
Txangoa Ordozelai baserrian bukatuko da, 14:00ak aldera. Bertan bazkalduko dute ibilaldian parte hartu dutenek —ez dutenak ere ager daitezke bazkaritara—. Bazkaldu ondoren, giroa jarriko dute bertsolariek zein trikitilariek, eta kantu zaharrak abestuko dituzte. Otsailaren 24ra arte eman daiteke izena, Gazte Izanak-en bulegoan. Otorduaren prezioa 30 eurokoa izango da.
