[Argazki galeria] Correscales-Korrika prekarioak babesa jaso du Errenteria-Oreretan

2016/02/19

Correscales

Correscales eguerdian heldu da Errenteria-Oreretara eta Herriko plazan izan ditu zain herritarrak zein gobernu taldeko ordezkariak. Duintasuna, ESK, LAB, EH Bildu, Sortu, Errenteria Irabaziz, Mugimendu Feminista… Txalo artean hartu dute Correscales plazan bilduta zeudenek. Joxe Iriarte Bikilak hartu du hitza, eta Correscales duintasunaren aldeko martxa dela esan du, “zanpatu guztiak, prekarietatean daudenak, emakumeak elkartu egin behar garela aldarrikatu duzue. Bakarrik ez gara ezer”. Garrantzitsuena kalean borrokatzea dela gaineratu du Bikilak, “hori gabe ez da aldaketarik. Horregatik, ongi etorri Correscales”. Movistarreko langileei Orereta Herri borrokalari baten izena liburua oparitu die, “bertan herri borrokalari honen historia biltzen da, eta besteak beste, plazan honetan bertan egindako asanbladen testigantzak daude bilduta”. Julen Mendoza alkateak hartu du hitza ondoren, Movistarreko langileen borroka eredu dela eta Correscalesi ongi etorria eman dio alkateak. gainontzeko EH Bilduko zinegotziekin batera eta Correscalesen kamiseta soinean azaldu da Mendoza. “Korrika prekarioarekin gaur zerbait mugitzen ari da”, esan du. Mendozak ere liburua oparitu die langileei, hain zuzen ere emakume langileek Errenteriari egindako ekarpena biltzen duena. Marea urdineko ordezkariek hartu dute hitza ondoren, Bartzelonatik helduta argi mintzatu dira: “Langile guztientzat baldintza duinak lortu arte ez gara geldituko”. Errenteria-Orereta zeharkatuta hamarnaka lagunek babestuta Pasaiarako bidea hartu du Korrika Prekarioak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Argazki galeria] Correscales-Korrika prekarioak babesa jaso du Errenteria-Oreretan

Gipuzkoa

Renfek autobusekin ordezkatu ditu Tolosa eta Beasain arteko tren zerbitzuak

Helmuga kalea izan dadin

Gipuzkoako zahar etxeetako lan baldintzak hobetzeko «ardura politikoa» har dezala exijitu dio ELAk aldundiari

Insaustik eskatu du «ez politizatzeko» etxerik ez dutenen egoera

Gizon bat hil da Donostiako Zurriolako hondartzan

Insaustik inguruko herrien «babes falta» kritikatu du afari solidarioak banatzeko debekuaren harira

KASek salatu du «jazarpen poliziala» jasan dutela gose direnei ogitartekoak emateagatik