'Zuri-beltzean' irakurraldia egingo du Goiatz Labandibarrek

100TZE espazioak antolatutako 21 aulki mikroerrezitaldi sortaren barruan izango da irakurraldia, ostegunea, 19:30etik aurrera.

Erik Gartzia Egaña

Oiartzun

2016/02/22

Goiatz Labandibarrek Polonian egindako egonaldian oinarritu du irakurraldia

100TZE sormen espazioak 21 aulki izeneko mikroerrezitaldi sorta antolatu du, eta hilabete honetako saioa Goiatz Labandibarren ardura izango da. Zuri-beltzean izeneko errezitaldia emango du idazle oiartzuarrak, ostegunean, 19:30ean, 100TZEren lokalean (Arraskularre, 16). Labandibarrek Hala bazan… klixk! proiektu literarioan oinarritu du errezitaldia. Donostia 2016k eta Etxepare Institutuak eskainitako beka lortu zuen Labandibarrek, eta horri esker, Europako kultura hiriburutza duen beste hirian —Wroclawen— landu ahal izan zuen proiektua. Euskal Herriko eta Poloniako sei emakume argazkilariren irudiekin narrazioak sortu ditu Labandibarrek. Mikroerrezitaldian, horietako batzuk aipatzeaz gain, Hala bazan… klixk! izango du hizpide, baita argazkilaritza ere. Aulkien erreserba Toki mugatuak egongo dira —hogei, zehazki—. Egunean bertan joanda, tokia har daiteke. Lekua ziurtatzeko, baina, aulkia erreserba daitekeela jakinarazi dute 100TZE sormen espazioko kideek: e-posta bidez edo 652 701 553 telefono zenbakira deitu beharko dute publiko bezala joan nahi dutenek.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.