Emakumeen Nazioarteko Eguna ospatzeko ekitaldi andana egingo dute

Oiartzungo Feministen Asanbladak eta udalaren ekimena izan da, eta martxoaren 4tik 13ra egingo dituzte.

2016/02/24

Emakumeen lanari ikusgarritasuna emango diote.

Martxoaren 8a, Emakumeen Nazioarteko Eguna, ate joka dago. Behar bezala ospatze aldera, Antiju Morik, Ernaik, Heltak, Killirikupe eta norbanakoek osatutako Oiartzungo Feministen Asanbladak zein udalak ekitaldi sorta antolatu dute. Aldarrikapena izango da nagusi, eta horretarako mota askotako ekitaldiak egingo dituzte martxoaren 4tik 13ra. Honakoa da egitaraua: Martxoak 4, ostirala

Virgen Negra eta Minerita film laburren emanaldia, 18:30ean, Manuel Lekuona bibliotekan.

Martxoaren 5etik 13ra

Oiartzungo emakume artisten lanen erakusketa, bibliotekan.

Martxoak 6, igandea

Donostiako Lilatoia ikusteko eta parte hartzaileak animatzeko zita, 10:00etan, Groseko anbulatorioaren parean.

Martxoak 8, asteartea

Aldarrikapen eguna, ekintza laburra eta pikoteoa, Done Eztebe plazan, 17:30etik aurrera.
Hau ez da gure bakea lelopean, manifestazioa Errenteria-Oreretan, 19:30ean. Oiartzunen 18:55eko autobusa hartuko dute.

Martxoak 9, asteazkena

Emakumea-Kirola/Iragana-oraina hitzaldia, 19:00etan, udaletxeko areto nagusian.

Martxoak 12, larunbata

Emakumeen bazkaria, 14:00etan, Joxixionia tabernan. Bazkariko sarrerak Amazkar tabernan eta Garmendia txokolategian eros daitezke, 16 euroren truke.
Feminismoa 0.0 Feminismoaz jakin nahi? tailerra, 17:30ean Kataxulo gaztetxean.

Martxoak 13, igandea

Zer duzu Amy? Oh my God antzerki taldearen eskutik, 19:00etan, udaletxeko areto nagusian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.