Iztieta-Ondartxoko bizilagunei proposamen zehatzak egin dizkie udalak
Horien gainean hausnartzeko eta auzotarrek horiei buruz duten iritzia emateko saioa egingo dute hilaren 10ean, osteguna, 19:00etan Gurekin Auzo Elkartearen egoitzan.
Iztieta-Ondartxoko bizilagunekin bilera irekia egin du udalak parte hartze prozesuaren balorazioa egin eta proposamen zehatzak egiteko. Hamabost lagunek hartu zuten parte bileran, eta udalak datozen bi asteetan alorrez alorreko bilerak egiteko konpromisoa hartu du bildutako proposamenak aztertzeko. Udalak, bere aldetik hainbat proposamen eraman zizkien bizilagunei. tartean, bigarren eskuko azoka propioa egitea, “udalak karpak, estrukturak, baimenak jartzeko konpromisoa hartuko luke”.
Kultur aniztasunaren autobus bat urte betez auzoan kokatzea ere proposatu du. Aurrera eramateko eta autobusa edukiz eta ekintzez betetzeko prozesua egin beharko litzatekeela esan du udalak. Olibeteko jubilatuen etxearekin esperientzia pilotua proposatu du udalak, “Errenteriara iritsi berrien eta elkarteko kideen artean hizkuntza trukeak osatzea”. Azkenik, Iztietako festetarako eragileei ekintza proposatzea eskatu zien.
Horien gainean hausnartzeko eta auzotarrek horiei buruz duten iritzia emateko saioa egingo dute hilaren 10ean, osteguna, 19:00etan Gurekin Auzo Elkartearen egoitzan. 
