Errenterian erroldatutako haur guztiek parte hartu ahalko dutela kanpainan esan du Ostolazak.
Narbarte,Azpeitia eta Ostolaza gaurko gerraldian
Udako oporrak 2016 programan izena emateko epea datorren astelehenean zabalduko dute, eta bi asteko epea izango dute interesdunek eskaera orriak bete eta gaztebulegoan aurkezteko. Itziar Ostolaza Gazteria azpisaileko zinegotziak, Ibai Narbarte koordinatzaileak eta Pili Azpeitia Hezizerb enpresaren ordezkariak eman dute programaren berri gaur goizean egin duten agerraldian. Errenterian erroldatutako haur guztiek parte hartu ahalko dutela kanpainan esan du Ostolazak. izan ere Udalekuetan izena ematen duten haur guztiek izango dute lekua, azken urteetan bezala kanpaldietako plazak baino ez direlako zozkatuko.
Txikiak izeneko programa 2010 eta 2012 urteen artean jaiotako haurrei begirakoa da eta 40,50 euro balio ditu. Udalekuak izeneko programa berriz, 2004tik 2009ra bitartean jaiotako haurrei begirakoa, eta 50,50 euro balio ditu. Lehenengo txanda ekainaren 29tik, uztailaren 12ra egingo dute eta bigarrena berriz, ustailaren 13tik 28ra. Bietan astelehenetik ostiralera egingo dituzte ekintzak, eta bigarren txandaren kasuan uztailaren 22an eta 25ean itxita izango da. Interesdunek hilaren 7tik 18ra bitartean izango dute izena emateko aukera gazte bulegora joanda 09:30etatik 14:00etara eta 16:30etik 19:00etara. Izen emate orria beteta eta sinatuta, ordainagiria eta haurraren osasun txartelaren fotokopia eraman beharko dituzte bulegora izena emateko unean.
Ostolazak aurten izen emate orria
internetetik lortu daitekela esan du, “hori bai behin beteta gazte bulegora eraman beharko dute gurasoek eskatutako dokumentazioarekin batera”.
Kanpamenduetarako zozketa
Kanpamenduetarako bi aukera daudela esan du ostolazak, “Beire eta Lousada”. Lehenengoa 2004-2006 urte artean jaiotako haurrei begirakoa da eta bigarrena, berriz, 2000-2003an jaiotakoentzat. 50 lagunentzat dago lekua eta ekainaren 27tik uztailaren 6ra egingo dituzte. Prezioa, berriz, 202 euro dira. Aurrematrikulazio epea hilaren 7tik 18ra izango da zabalik. Plaza mugatuak direnez, kasu honetan zozketa egingo dute izena ematen duten haur guztien artean eta Ostolazak esan du lehentasuna izango dutela aurreko urtean kanpamenduetan izan ez zirenak. Apirilaren 5ean egingo dute zozketa eta emaitzak gazte bulegoan jarriko dituzte apirilaren 6an 17:00etatik aurrera.
Behin jakinarazita izena emateko epea zabalduko dute apirilaren 11tik 15era. Itxaron zerrendan geratzen direnen izen emate epea telefonoz jakinaraziko zaie.
Aurten iaz bezala parte hartzaileek hobariak izango dituzte familia ugarien kasuan. Horiek %50eko beherapena izango dute. Seme-alaba batek baino gehiago izena ematen duten familiek berriz, %20ko hobaria izango dute.
