[Argazki galeria] Jolasean, berdintasuna barneratuz

genero ikuspegia lantzeko jolas bat egin dute Koldo Mitxelena ikastetxeko patioan, Kolpe Morea gazte talde feministaren eskutik: Bizentaren lumak.

Aizpea Amas

Errenteria-Orereta

2016/03/12

Talde bat, Bizentaren Lumak jolasa egiten, Koldo Mitxelena ikastetxeko patioan.

Martxoaren 8a pasatu arren, oraindik more izaten jarraitzen du martxoak Errenteria-Oreretan. Oraingoan, ordea, berdintasunari beste ildo batetik heldu diote, eta genero ikuspegia lantzeko jolas bat proposatu du Kolpe Morea talde feministak: Bizentaren lumak. Goizean Koldo Mitxelena ikastetxean bildu dira zenbait gazte, 50 inguru. 5etik 10era bitarteko taldeetan banatu dira, sei guztira, eta hainbat paper eta txartel banatu dizkiete. Txartelak bi motatakoak ziren. Batetik, informazio txartelak. Bertan, gazteek egunerokotasunean bizi ditzaketen hainbat egoera planteatzen zitzaien: depilatu nahi ez duen neska bat, ezagutu berri den bikote batek auto batean sartu eta hor sor daitekeen deserosotasun momentu bat, telefono mugikorraren bidez bikoteak kontrolatzen duen neska bat, laguntza sarerik ez duen ama bat… Partaide bakoitzak txartel bat edo egoera bat aukeratu behar zuen, eta hori beste txartel batzuetan zeuden kontzeptu feministekin lotu. Esate baterako, mahai bateko kide batek depilatu nahi ez duen neskaren istorioa hartu du, eta hori genero rola kontzeptuarekin lotu du. Bakoitzak aukeraketa egin ondoren, loturaren zergatia azaldu behar zuen modu laburrean. Gero, talde guztiak istorio bat aukeratu behar zuen, eta horren inguruko hausnarketa bat egin. Ondoren, egoera hori iraultzeko edo horrekin amaitzeko zer egin daitekeen proposatzen zuten, alegia, zer konpromiso har zezaketen hori konpontzeko. Azkenik, talde guztien artean ideiak elkartrukatu eta plenario bat egitea zen helburua. Elhuyarrek sortutako rol jokoa da gaur egin dutena. Bizentaren lumak izena darama Bizenta Mogel idazlearen omenez. Errenteria-Oreretaren aurretik hainbat herritan egin dute joko hori,

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.