Jende dezente hurbildu da asteburuan skateparkera. Giro ona egon zen bertan, parte hartze politarekin. Bestalde, judoan paper ona jokatu zuen Iker Fernandezek.
Skateko podiuma
Sportland Oarsoaldeak skate eta scoot txapelketak antolatu ditu asteburuan. Bi kirol horiek eskualdeko herrietan sustatzen ari da taldea, eta oraingoan Errenteria-Oreretaren txanda izan da. Iztietako skateparkean izan zen txapelketa. Herenegun skatearen txanda izan zen, eta atzo scootarena.
“Jende dezente larunbatean, ongi pasatu genuen skatea eta scootera bultzatzen”, esan du Andoni Cazorla Sportland Oarsoaldeako kideak. Haurren kategoria zein helduena egon zen skatean. Pro kategorian Ruben Martinez hirugarren, David Bereau bigarren eta Andres Ferrer lehenengo. 200 euroko balioa zuten sariak banatu dituzte euren artean: materiala, kopak eta beste. Haurretan Haitz Portugal 3. Noa Benito 2. Eta Ibai lehenengo. Maila polita egon zen, eta uste genuena baino jende gehiago animatu zen.
Scooter txapelketan, berriz, jende gehiago animatu zela esan du Cazorlak, haur gehiago aritzen delako. Harriet Portugalek irabazi zuen kategoria, Aiuri bigarren eta Haritz hirugarren.
Bestalde, Iker Fernandez Mogollon Sportland taldeko judoka Andoaingo kiroldegian aritu zen. Bigarren postua lortu zuen, Gipuzkoako Haur Mailako Txapelketako kanporaketan. Gipuzkoako finalerako txartela lortu du.