Txosteko pilotariek ezin izan dute Joko Garbiko finala irabazi

Oiartzungo taldeko bikote batek Gazte Mailako finala jokatu zuten Madalensoron. Gainera, pala txapelketako hainbat partida ere jokatu dituzte.

Erik Gartzia

Oiartzun

2016/03/15

Pala Txapelketako partaideak. Zutik: Maneiro, Aizkorreta, bi epaileak, Virgilio eta Roteta. Makurtua: Gurrutxaga, Santamaria, Kerejeta eta Salegi.

Larunbatean jokatu zituzten Madalensoro pilotalekuan ezker hormako Joko Garbiko Gipuzkoako txapelketako finalak. Senior zein Gazte mailetako finalak jokatu zituzten. Gazteen kategorian, Txosteko bikoteak ezin izan zuen txapela jantzi. Telletxea eta Ondarok Zubietarren aurka 40-34 galdu zuten. Maila nagusian, berriz, zubietarren arteko norgehiagoka jokatu zuten. Iruretagoiena eta Aizpuruak 40-24 irabazi zieten Aizpurua eta Arrillagari. Bestalde, larunbata eta igandean Girizia elkarteko pilota sailak antolatutako Euskal Herriko Pala Txapelketa Irekiko partidak jokatu dituzte. Honakoak dira emaitzak: Lehen Maila

Arriaga-Antxordoki/Elejande-San Miguel: 25-19.
Almandoz-Telletxea/Ubeda-Arroniz: 25-17.
Kerejeta-Gurrutxaga/Salegi-Sanatamaria: 07-25.

Bigarren Maila

Andueza-Rodriguez/Matxain-Endika: 16-25.
Legarreta-Legarreta/Rodriguez-Murgiondo: 18-25.
Etxenike-Ibarra/Urresti-Iraeta: 25-10.

Hirugarren Maila

Zapirain-Jose Angel/Duke-Duke: 25-0 (ez ziren aurkeztu).
Virgilio-Roteta/Maneiro-Aizkorreta: 25-12.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.