Odol erauzketa egingo dute asteartean
Anbulatorioan egingo dute erauzketa. Emaile berriak eskatu ditu odol emaileen elkarteak.
Apirilari dagokion odol erauzketa datorren asteartean egingo dute. Ohi bezala, odola eman nahi dutenek anbulatoriora jo beharko dute, 18:00etatik 20:00etara —edo bukatu arte—. Odol emaileen elkarteak gogorarazi du emaile berriak behar direla, gazte gutxiegi daudelako.
Aurreko erauzketa otsailean egin zuten, eta 36 lagunek eman zuten. O+ eta A+ odol mota duten hamabina oiartzuarrek eman zuten odola, O- duten zortzik, A- duten hiruk eta B+ duen bakarrak. B- motako inork ez zuen eman.
