Adinekoen erorketak saihesteko tailerra antolatu dute
Hilaren 27an egingo dute tailerra, 64 urtetik gorako oiartzuarrentzat zein euren senide edota zaintzaileentzako.
Gizarte-Ongizate eta Kirol sailek erorketak prebenitzeko tailerra antolatu dute, herriko anbulatorioarekin batera. Hurrengo asteazkenean, hilak 27, izango da, 17:00etatik 19:00etara, Elorsoro kiroldegiko bilera gelan.
64 urtetik gorako oiartzuarrei zuzenduta dago tailerra, baita ere euren senide eta zaintzaileei ere. Izan ere, erorketak dira adin horretatik aurrerako pertsonengan lesio gehien sorrarazten dituenak. Tailerrean arlo teoriko zein praktikoak jorratuko dituzte: erorketen zergatiak eta nola saihestu, bizimodu osasuntsuaren eta ariketa fisikoaren garrantzia, dauden laguntza teknologikoak…
Toki mugatuak dira, eta aurrez aldetik eman beharko da izena, osasun etxera deituta. Honakoa da telefono zenbakia: 943 00 65 05.