'Landarbaso Munduan' ikus-entzunezkoan abesbatzaren 25 urteko ibilbidea bildu dute

Abesbatzak 483 kontzertu eman ditu Gipuzkoan, Europako 10 herrialdetan izan da eta Amerika eta Asiaraino ere heldu da.

Tolaretxipi eta Collar gaurko aurkezpenean

Tolaretxipi eta Collar gaurko aurkezpenean

Lehehengoz ikus-entzunezko proiektua egin du Landarbaso abesbatzak. Mende laurdena bete du aurten, eta horren harira sortu du Landarbaso Munduan, eta igandean estreinatuko du Fatimako Andra Mariaren parrokian 19:30ean. Ikus-entzunezkoa dela Landarbaso Munduan nabarmendu du Iñaki Tolaretxipi zuzendariak Ion Collar Kultura zinegotziarekin batera gaur gpizean egin duen agerraldian, “eta ez kontzertua, ikuskizun artistikoaz gain, musika ere berebizikoa izango bada ere. Urteurreneko proposamen artistikorik berezienetakoa izango da igandekoa”. Bertan 25 urte hauetan abesbatzak egindako bidaiak eta ibilbidea jaso dute. Abesbatzak 483 kontzertu eman ditu Gipuzkoan, Europako 10 herrialdetan izan da eta Amerika eta Asiaraino ere heldu da. Espainiako lau sari eta nazioarteko 14 lortu ditu, bestalde. Hamar metro zabal eta zazpi metro luze dituen pantailan, zein zuenean  jarraituko dute ikusleek 90 minutu iraungo duen eta atsedenik izango ez duen lana, eta Landarbasok a capella abestuko dituen 14 lanez gain, 300 iruditik gora eta ia 50 bideok osatuko dute ikuskizuna. Bideo horietan abesbatzekin lotutako munduko izen garrantzitsuak azalduko direla esan du Tolaretxipik: “Latvian State Choireko zuzendari Maris Sirmais, Letoniako Janis Liepins eta Janis Ozols, Austriako Dina Grosberger, Suediako Helen Larsson, Japoniako Ensemble Vocal EST, Hungariako Soma Szabo, Ameriketako Estatu Batuetako Brady R. Allred edota Dan Forrest  konpositore amerikarra eta Alacanteko Alber Alcaraz”. Zortzi hilabete eman dituela Landarbasok proiektua prestatzen gaineratu du Tolaretxipik, “lan eta esfortzu handia suposatu digu proiektu hau aurrera ateratzeak”. Collarrek babesa eman dio Landarbaso abesbatzari eta herritar guztiak animatu ditu igandeko ikus-entzunezkoa ikustera. Sarrerak aurrez saltzen ari dira Niessen Kulturguneko lehiatilan 5 euroan.  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.