Lehen sektorean jarduten duten oiartzuarrek ekainaren 21era arte izango dute laguntza jasotzeko aukera.
Lurgintzak bulegoa irekiko du datorren astean, Fermiñenen, errenta aitorpena egiten laguntzeko. Zehazki, lehen sektorean diharduten langileentzako aholkularitza lanak eskainiko ditu Lurgintza Nekazaritza Kooperatibak.
Bulegoa astelehen eta asteartetan egongo da, 08:30etik 16:30era. Hitzordua hartu beharko da, 943 81 14 31 telefono zenbakira deituta. Datorren asteartean zabalduko dute bulegoa, eta ekainaren 21era arte eskainiko du zerbitzua.
Bestalde, udalak gogorarazi du
errenta aitorpena euskaraz egin daitekeela.