[Argazki galeria] Bateletan, hiru bandera eskualdera

Bi bandera irabazi ditu Pasai Donibane Koxtapek asteburuan Legution jokatu duten Euskal Herriko Batel txapelketan eta bat Hibaikak

olatz mitxelena

Pasaia

2016/04/25

Lehen aldiz jokatu da Euskal Herriko Txapelketa Haur Mailan, eta Hibaikako neskek irabazi dute bandera

Puntakoenekin lehia estuan aritu dira eskualdeko batelak asteburuan Legution jokatu den Euskal Herriko Batel Txapelketan. Sanjuandarrek bi bandera irabazi dituzte; senior neskek eta mutil gazteek irabazi dute urrea, mutilen kasuan, estu-estu; Kaikurekin ehuneneko bakar baten aldearekin, photo finish-arekin erabaki behar izan zuten urrea nori eman.

Alde handiagoarekin nagusitu ziren Donibaneko senior neskak, baina Hibaikarekin lehia estuan ere, segundo bat baino gutxiagokoa izan zen eskualdeko bi ontziren arteko aldea. Hibaikaren kasuan, emaitza oso onak lortu izanagatik ere, zaporea gazi gozoa zen atzo. Bi bandera ihes egin zieten oreretarrei oso gutxigatik, emakume seniorrena ez ezik, kadeteena ere galdu zuten. Oriok irabazi zuen estropada emakume kadeteen mailan eta urrea eraman zuten; Hibaikarentzat zilarra, eta brontzea sanjuandarrentzat izan zen. Gozotik, Hibaikako neska gazteenek lortutako urrea. Denboraldi biribila osatu du nesken batelak. Dena irabazi dute; Liga, Gipuzkoako txapelketa eta asteburuan honetan Euskal Herrikoa. Asteburuan Espainiakoa Legutioko lanak bukatuta, orain Galiziara begira daude jada arraunlariak. Han, Vigon jokatuko dute asteburuan Espainiako Batel Txapelketa. Hibaikak eta Koxtapek badute zer borrokatu eta banderak norbere herrira ekarri aldera denak emango dituztela zalantzarik ez da. Emaitzak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.