Belar bolen plastikoa jasoko du udalak, datorren astean
Maiatzaren 2tik 4ra herriko bost puntutan utz daitezke belar bolak egiteko silo plastikoa. Hil horren 5ean jasoko dituzte.
Udalak jakinarazi duenez, datorren asteko ostegunean —maiatzaren 5ean— belarra metatzeko silo plastikoa jasoko du. Horrela, plastiko berezi hori erabiltzen duten herritarrek maiatzaren 2tik 4ra herriko hainbat puntutan utz ditzakete hondakinak.
Bost gune izango dira: Arbelaitz bidearen sarreran (Ergoien); Guretzeko Bizardia elkartearen aurrean; Gaintzabal bidearen sarreran (Karrika); Zerradi industriagunearen ekarpen gunearen ondoan eta Txaparreko zintzilikarioen ondoan. Azken bi horiek Ugaldetxon daude.
Edonork zalantzarik balu, 943 49 03 77 telefono zenbakira dei dezake, astelehenetik ostiralera, 10:0etatik 13:00etara. 
