7 milioi euroko gainkostua salatu dute lonjako lanetan

Macarena Olonak salatu du gainkostua Gipuzkoako Fiskaltzan, Espainiak Portuko administrazio kontseiluan duen ordezkaria.

olatz mitxelena

Pasaia

2016/04/28

Arrandegi berriko lanak San Pedron, Zamatetetik ikusiak

San Pedroko lonjako lanak susmopean daude, ustezko irregulartasunengatik. 7 milioi euroko gainkostua atzeman dute lanetan. Hasierako aurrekontua 15 milioi eurokoa zen, eta zabaldu berri denez, dagoeneko 22 milioi baino gehiago ordaindu dituzte lan horiengatik. Gainkostuaz gain, aurrekonturik eta kontraturik gabeko lanak egin dituztela zabaldu da, baita baimendu gabeko gastuak ere. Macarena Olonak salatu du gaia Gipuzkoako Fiskaltzan, Espainiak EAEn duen abokatu nagusi eta, aldi berean, Pasaiako Portuko Administrazio Kontseiluko kide, Espainiaren ordezkari gisa. Olonak berak, gaia fiskaltzara eramateko proposamena bozkatu zedin proposatu zuen Portuko Administrazio Kontseiluan, baina proposamenak aurrera ez zuenez egin, berak pertsonalki salatu ditu irregulartasunak Gipuzkoako Fiskaltzan. Gregorio Irigoienen kargugabetzea «Ardurak argitzeko», bi neurri hartu zituen Portuak otsailean. Batetik, Gregorio Irigoien Portuko zuzendari orokorra kargugabetzea —haren ordez, Cesar Salvador izendatu dute—. Bestetik, diziplina dosierra irekitzea David Candelariori, obraren zuzendari lanetan ari zelako. Bi erabakiak otsailean hartu zituzten arren, atzora arte ez dira publiko egin. Irigoienen kargugabetzea argitze aldera, PPko Borja Senperrek galdera bat tramitatu du Eusko Legebiltzarrean Ana Oregi Ingurumen eta Lurralde Politikako sailburuak azal dezan. Kargugabetzea lonjako lanen etetearekin zerikusia duen argitu nahi du Senperrek. EH Bilduk, bere aldetik, Diputazioak kasu honen aurrean izan duen jarrera salatu du gaur, «delitu zantzuak» egonik, horien berri eman ez dutelako. “Diputazioak argitu beharko du zergatik ezkutatu duen Pasaiako badiako obretan delitu zantzuak antzeman direla”, adierazi du koalizioak. Bide beretik, Marisol Garmendi diputatuak Portuko Administrazio Kontseiluan -hilaren 5ean egin zen– gaia fiskaltzara eramatearen kontra bozkatu izana gogor gaitzetsi dute: “Zergatik ez zuen nahi diputatuak Fiskaltza jakinaren gainean jartzea?” galdetu du EH Bilduk. Azken albisteen harira “larritasuna” agertu du EH Bilduk, eta gai honetan Diputazioak agertu duen “pasibotasuna eta iluntasuna oso kezkagarriak” direla nabarmendu du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

7 milioi euroko gainkostua salatu dute lonjako lanetan

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten