Bina berdindu dute Pasaiak eta Betoñok

Helburuak lortuta, baikortasunez ekingo diote zuri-gorriek denboraldi bukaerari.

PasaiakeTramite hutsezko partida izan da asteburukoa Pasaiarentzat. Jaitsiera postuetan, askoz gehiago zuen Betoñok jokoan Pasaiak baino. Hala ere, partida lehiatua izan zen oso. Bisitariak izan ziren Don Boscoko markagailuan aurreratzen lehenak, hemeretzigarren minutuan. Banakoa aurki lortuko zuen Pasaiak, 34. minutuan, Anderrek sartutako golari esker. Partidaren bukaera aldera iritsi ziren beste bi golak; lehenbizi Pasaiarena, 78. minutuan, Urtzik sartuta, eta ondoren lortu zuen Betoñok binakoa, partida bukatzeko zazpi minuturen faltan. 52 punturekin, eta denboraldia bukatzeko bi partida falta direnean, sailkapeneko zazpigarren postuan dira zuri-gorriak. Zozketaren zenbakia: 453 Baloiaren babesle: Ura iturgintza  
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.