Oiartzungo emakumeen taldeak Euskal Herria Kopako finalerdia jokatuko du bihar, Fanderian, Athleticen kontra.
Gipuzkoako Bigarren Mailako liderrak Elorsoro bisitatuko du.
Talde batzuek —Miren Tabernak— liga bukatu duten arren, beste batzuek —mutilen futbol taldeek— askorik jokatzeko gutxi dute. Oiartzungo zenbait taldek asko izango dute jokoan asteburu honetan.
Horrela, gaur arratsaldean bertan, Power Rangers 1896 taldeak Makax 25 urte taldea —eta ez Lasarte-Oriako, gaizki aipatu genuen bezala— jasoko du Elorsoron. Partida irabaziz gero, areto futboleko Gipuzkoako Lehen Mailara igotzeko finala jokatuko dute. Arerioak Gamon Aker eta Cecilia Frutadenda Kebab Lasarte taldeen arteko norgehiagokatik aterako da.
Oiartzungo Saskilagunek ere Gipuzkoako Lehen Mailara igotzeko aukera izango dute. Errenteria-Oreretako saskibaloi taldearen kantxan jokatuko dute etzi, eta itzuliko partida datorren astean izango da. Bi partidetatik onenak lortuko du txartela.
Eamkumeen Lehen Mailan atsedenaldia izango dute, baina Oiartzungo jokalariek arerio gogorra izango dute bihar Fanderian: Athletic. Lurraldetasuna kontuan hartzen duen Euskal Herria Kopako finalerdia jokatuko dute bihar. Beste kanporaketa Realak eta Gasteizko Aurreraren artekoa izango da.
FUTBOLA
Emakumeen Euskal Herria Kopa
- Oiartzun Kirol Elkartea-Athletic. Bihar, 17:00etan, Errenteria-Oreretako Fanderia futbol zelaian.
Gizonen Erregional Ohorezko Maila
- Oiartzun-Getariako Keta. Bihar, 16:00etan, Karla Lekuonan.
Gizonen Lehen Erregionala igoera fasea
- Oiartzun B-Idiazabal. Bihar, 17:30ean, Karla Lekuonako zelai txikian.
ARETO FUTBOLA
Gizonen Euskal Liga
- Oiartzun-Gora Bilbao. Bihar, 17:30ean, Elorsoro kiroldegian.
Gizonen Gipuzkoako Bigarren Maila
- Power Rangers-Makax 25 urte. Gaur, 20:30ean, Elorsoro kiroldegian.
SASKIBALOIA
Gizonen Gipuzkoako Bigarren Maila
- Grupo Eme Oiarso-Oiartzungo Saskilagunak. Etzi, 11:45ean, Errenteria-Oreretako Galtzarabordako kiroldegian.
