Oiartzunek ezin izan du Athleticekin [Argazki Galeria]

Euskal Herria Kopako finalerdian 1-3 galdu du Jon Alkortak gidatutako taldeak. Nagusi izan dira bizkaitarrak.

2016/05/09

Oiartzuarrek ezin izan zuten Athleticekin.

Larunbatean Euskal Herria Kopako finalerdia jokatu zuten Oiartzunek eta Athleticek Errenteria-Oreretan. Fanderia leporaino bete zen Lehen Mailako bi taldeen arteko norgehiagoka ikusteko. Partida hasi eta berehala zurigorrien alde jarri zuen partida Yulema Corresek, oiartzuarren atezaina goitik gaindituta. Oiartzunek ez zuen amore eman, baina Athletic nagusi zen jokoan. 26. minutuan jokalari berberak areaz kanpotik egindako jaurtiketa bati esker bigarrena eskuratu zuen. Emaitza horrekin joan ziren aldageletara. Bigarren zatian, berriz, Oiartzunek gola bilatu zuen, eta aldea murrizteko penalti bat huts egin zuen. Handik bi minutura, 78.ean, bizkaitarrek hirugarren gola sartu zuten. Oiartzuarrek euren zaleentzako gola lortu nahi zuten, eta 83. minutuan iritsi zen: korner baten ondorengo jokaldi nahasian Anne Perezek aldaratze bat sareetara bidali zuen. Liga datorren asteburuan itzuliko da. Oiartzunek Levante jasoko du Karla Lekuonan. Maila matematikoki mantentzea irits daiteke jardunaldian.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.