Power Rangersek eta Oiartzungo Saskilagunek mailaz igotzeko aukera izango dute asteburuan.
Oiartzuarrek Levanteren atea bilatuko dute igandean.
Oiartzun Kirol Elkarteko talde nagusiak lehen mailari eutsi diezaioke, modu matematikoan, asteburu honetan. Horretarako Oviedo Modernok bere partida galdu beharko luke. Arerio zaila izango du, baina, Oiartzunek: Levante. Bosgarren postuan sailkatuta daude valentziarrak. Horregatik, zaleen babes osoa beharko dute Karla Lekuonan.
Maila aldaketa dute jokoan asteburuan Oiartzungo Saskilagunak eta Power Rangersek. Saskibaloi taldeak Gipuzkoako Lehen Mailara igotzeko play-offen itzuliko partida jokatuko du Grupo Eme Oiarsoren kontra. Lau puntuko aldeari buelta eman beharko diote. Bestalde, areto futboleko taldeak Aretxabaletan jokatuko du kanporaketen finala, Cecilia Frutadenda Kebab Lasarteren kontra.
FUTBOLA
Emakumeen Lehen Maila
- Oiartzun-Llevant. Etzi, 12:00etan, Karla Lekuonan.
Gizonen Erregional Ohorezko Maila
- Tolosa-Oiartzun. Bihar, 19:00etan, Berazubi futbol zelaian.
Gizonen Lehen Erregionala igoera fasea
- Elgoibar-Oiartzun B. Bihar, 17:30ean, Mintxeta futbol zelaian.
ARETO FUTBOLA
Gizonen Euskal Liga
- Tudanca Bayas Miranda-Oiartzun. Etzi, 11:0etan, Miranda de Ebroko Anduva kiroldegian.
Gizonen Gipuzkoako Bigarren Maila
- Cecilia Frutadenda Kebab Lasarte-Power Rangers. Bihar, 12:30ean, Aretxabaletako Ibarra kiroldegian.
SASKIBALOIA
Gizonen Gipuzkoako Bigarren Maila
- Oiartzungo Saskilagunak-Grupo Eme Oiarso. Etzi, 12:15ean, Elorsoro kiroldegian.
