[Argazki galeria] Festarako gogoak euria garaitu du

Gaur arratsaldean, 18:00etatik aurrera, Sagardo Jaia

oarsoaldea

2016/05/14

Buruhandiak, erraldoi eta txistulariek lagunduta kale kale irten dira eguerdian

Mendekosteak ospatzen ari dira atzo arratsaldeaz geroztik Lezon. Zabarre porturatu eta festa eztanda egitea, dena bat izan zen bart. Ateri eutsi zion jaien hasieran, eta afari autogestionatura animatu zirenentzat aitzakiarik ez. Gaur, baina, zirimiri etengabeari aurre eginez murgildu dira lezoarrak mendekosteetan. Dantzariek Saldise plazan topatu dute aterpe, eta erraldoi eta buruhandiak, aldiz, ausart irten dira, txistulariak lagunduta, euriari aurre eginez, eta herriko txikienen gozamenerako. Aurretik eta ondoren, pilotalekuko puzgarrietan jauzika eta txilipurdika, nekaezin aritu dira haurrak. Oraindik hurbildu ez denak, jakin dezala, oraindik ere, askorako emango dutela Lezoko jaiek. Egitarauan eskaintza, askotarikoa.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.