Xabier Alkain agurtuko dute gaur arratsaldean, Zorroagan
Antxoko preso ohia zendu da; 1997. urtean kaleratu zuten, gaixotasun psikiko baten ondorioz
Xabier Alkain Ipinazar preso ohia zendu da, eta gaur agurtuko dute senide eta lagunek, 18:00etan Zorroagako tanatorioan.
1986. urteko otsailean espetxeratu zuten Alkain, eta 11 urte geroago askatu zuten, gaixotasun psikiko baten ondorioz.
Urte berean, 1997. urtean, Fran Franco preso pasaitarra askatu zuten, hura ere gaixorik zela.
Kasu bakanak
Azken hamarkadatan gutxi dira gaixotasunengatik askatu dituzten presoak. Jaiki Hadi prebentzio eta asistentziarako elkarteak argitaratu duen Espetxea eta osasuna txostenaren arabera, hemezortzi euskal preso daude gaur egun kartzelan, gaixorik eta muturreko egoeran.
Kasu larrienak dira, baina ez bakarrak. Denetara 97 euskal preso daude eri kartzeletan. 
