Bidez-Bide garraio zerbitzua eskura dutela gogorarazi die Behemendik landa gunean bizi diren adinduei
Bidez-bide 65 urtetik gorakoak direnei eta mugikortasun arazoak dituztenei begirakoa da eta udalak urtero 6.000 euroko ekarpena egiten dio Behemendiri zerbitzua egiteko.
Bidez-bide Garraio Zerbitzua erabilti dezaketela gogorazi die Behemendi elkarteak landa eremuan bizi diren adinekoei eta mugikortasun arazoak dituztenei. Bidez-bide 65 urtetik gorakoak direnei eta mugikortasun arazoak dituztenei begirakoa da eta udalak urtero 6.000 euroko ekarpena egiten dio Behemendiri zerbitzua egiteko. pertsona horien bizi kalitatea hobetzea da zerbitzuaren helburua, eta horretarako ez ohiko egitekoak beren kabuz egiteko aukera eskaintzen die: “Lanera, eskolara edo okupazio tailerretara joateko aukera dute eta baita sendagilearengana edota kudeaketak egitera”. Erabiltzaileei autonomia gehiago lortzea ahalbidetzen diela zerbitzuak gaineratu dute Behemendiko ordezkariek, eta baita gizarte bazterketa saihestea”. Zerbitzua eskatzeko eta erabiltzeko interesdunek 690 76 94 66 telefono zenbakira deitu behar dute.
