Bihotz osasuntsuen Errenteria
Udalak hamar gunetan desfibrilagailuak jarri berri ditu. Horiek erabiltzeko ikastaroa egingo du hilaren 26an goiz eta arratsaldez Reina Aretoan.
Herriko hainbat puntutan DEAS desfibrilagailuak jarri ditu Errenteriako udalak, hamar gunetan hain zuzen ere, duela gutxi. Horien bidez bizitzak salbatu nahi ditu: azkartasuna, eta aparailuak erabiltzen jakitea ezinbestekoa da baina. Horretarako, hilaren 26an, 12:00etan eta 18:00etan desfibrilagailuak erabiltzen ikasteko ikastaroa antolatu du udalak Reina Aretoan.
Aparatuak udaletxearen sarreran, Gizarte Zerbitzuetako eraikinean, Udaltzaingoaren eraikinean, Niessen Kulturguneko bulegoen sarreran, Galtzarabordako kiroldegian, Beraungo Futbol zelaian, Beraungo pista balionaiztunean, Fanderiako igerilekuan, Fanderiako futbol zelaian, eta Agustina Otaola pilotalekuan jarri dituzte. Horietaz gain, bi aparailu eramangarri ere eskuratuko ditu, eta udaltzainek ibilgailuetan eramango dituzte.
