Kirol jardueretan oinarritutako udalekuak eskainiko ditu Sportland Oarsoaldeak

Etzitik aurrera hasi daiteke udalekuetan izena ematen. 7 eta 16 urte artekoentzako hainbat jarduera izango dituzten udalekuak antolatu dituzte.

Erik Gartzia Egaña

Errenteria-Orereta,Lezo,Oiartzun,Pasaia

2016/05/31

Hainbat kirol jarduera egingo dituzte udalekuetan.

Sportland Oarsoaldeak kirola oinarri izango duten udalekuak antolatu ditu udarako. Zazpi eta hamasei urte arteko haur eta gaztetxoei zuzendutako udalekuak izango dira, ekainaren 27tik uztailaren 26ra arte. Bertan, kirol jardueren bitartez heziketa eta sozializazioa bultzatu nahi dituztela jakinarazi dute Sportlandeko kideek. Udalekuak irauten duten asteetan hainbat jarduera egingo dituzte. Honakoak izango dira, besteak beste 08:00etatik 14:00etarako epean egingo dituzten jarduerak: txangoak mendian zehar, eskalada, tirolinak, surfa, bodyboard… Etzi —ekainak 2— hasiko da izena emateko epea, eta ekainaren 22ra arte egongo da zabalik. Informazioa lortzeko, edo matrikulazio orria eskuratzeko, e-mail bidez jarri behar da harremanetan. Oarsoaldeko lau udaletxeetan ere eskuragarri egongo dira izen emate orriak, baita Sportlanden webgunean ere. Prezioa 137 eurokoa izango da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.