[Argazki galeria] "Erabakitzearen aroa hasi dugu"

"Erabakitzearen aroa hasi dugu". Hori esan dute gaur Demoarso prozesuaren arduradunek. 2017ko martxoaren 19an herri galdeketa egiteko eskaeraj jasotzen ibili dira Gure Esku Dago-ko kideak, eta behar zirenak baino gehiago lortu dituzte.

Urko Etxebeste Petrirena

Errenteria-Orereta,Lezo,Oiartzun,Pasaia

2016/06/04

Galdeketaren alde egin dutenak, hori egingo dela ospatzen.

Demoarso prozesuak herritarren bermea du. Herriz herri Gure Esku Dago-ren taldeek egindako lanari esker, 2017ko martxoaren 19ko estatus politikoaren gaineko herri kontsultak Oarsoaldeko lau herrietako herritarren oniritzia jaso du, sinadura modura. 5.200etan zuten jarrita helburua, eta 6.203 lortu dira: 2.407 Errenteria-Oreretan, 1.876 Pasaian, 1.201 Oiartzunen eta 719 Lezon. “Erabakitzearen aroa hasi dugu”, esan dute. Hori bakarrik ez. Erabakia hitza sinatzailez bete dute, hori esateko, sinatu dutela erabakitzeko. “Herri galdeketa antolatzeko herritarren babesa behar genuen, eta lortu dugu. Herri bat osatzen dugula esango dugu emaitza edozein dela ere, herri normal bat, normal erabaki eta bizi dena, etorkizuna bere eskuetan nahi duen herri bat”, esan dute Demoarsoren arduradunek, Adosguneko kideak alboan zituztela. Hizketaldian gogorarazi dute bihar (igandea) Euskal Herriko 34 herritan herri galdeketak egingo dituztela, “lehen olatua da. Gurea izango da hurrengoa”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.