Errenteriak, ondorioz, 183.000 euro gehiago ordaindu beharko dizkio GHKri.
Birziklatzea sustatzen jarraituko du udalak.
Hondakinen bilketaren tasa %10 igotzea proposatu du gobernu taldeak. Hondakin organikoen gaikako bilketa egiten duten familie berriz, tasa berriaren gaineko %10eko hobaria ezarriko die. Azken 20 urteetako hondakinen kudeaketa “lotsagarria” eta “desegokiak” eraman duela gobernu talde erabakia hartzera azaldu du, “orain, herritarrek ordaindu beharko dituzte ondorioak eta bi aldiz gainera”, salatu du.
Gipuzkoako Hondakinen Kontsorzioaren (GHK) batzar orokorrak EAJ eta PSE-EEren gehiengoarekin errauste plantaren proiektua berriro martxan jartzea erabaki duela esan du Errenteriako Udaleko Gobernu Taldeak, eta erabaki horrek eragin eta ondorio zuzenak dituela udalarengan eta herritarrengan, “mankomunitateei kobratzen dien tasa %20 igo duelako. Errefuxaren tasa %17 igo du, eta organikoarena berriz, %48”. Errenteriak, ondorioz, 183.000 euro gehiago ordaindu beharko dizkio GHKri. Udalak igoera horri aurre egitea zaila duela gaineratu du gobernu taldeak. Izan ere, gaur egun, hondakinen tasarekin zerbitzuaren kostearen %62 estaltzen da soilik. GHKren aldaketarekin, tasen bidez jasotako diruarekin zerbitzuaren %52 baino ez du estaliko udalak.
Birziklatzea sustatzeko neurriak hartzen jarraituko du Errenteriako Udalak. Hala jakinarazi du gobernu taldeak, eta horren harira, hondakin organikoak gaika biltzen dutenei hobaria %10era igotzea proposatu du, “igoerak ahalik eta eragin txikiena izan dezan herritarrengan”.
Gogora ekarri du halaber, Europak debekatu egin duela birzikla daiteken gai oro erraustea. “Beste aldera begiratzen jarraitzea dela konponbidea pentsatzen dute, alderdi batzuk, hori dela atakatik ateratzeko modu bakarra. Beste lurralde batzuk erakutsi digute, badela hondakinak kudeatzeko beste modu bat”. Horren harira, aurreko legealdian Gipuzkoako Foru Aldundiak hondakinak kudeatzeko egindako planak Gipuzkoa zuela abiapuntu eta helmuga eta askoz ere merkeagoa zela nabarmendu du, “birziklatzea zuen oinarri, eta pertsonak eta ingurumena errespetatzen zituen”.
Birziklatzearen aldeko kanpainak egiten jarraituko duela Errenterian eta fiskalitate berdearen alde egingo duela, gaineratu du, “lehen eskutik baitakigu zer den gure zabortegiak betetzen uzten dituzten erakundeen pasibotasuna pairatzea”.
Zentzuz jokatzeko eskatu die azkenik GHKren kudeatzaileei gobernu taldeak, “gure dirua ez xahutu birzikla daitezkeen gai eta bitartekoak desagerrarazten dituzten proiektu dekadenteetan, eta are gutxiago, gure osasunaren kontura. Egin dezatela birziklatzea, lanpostuak sortzea eta ekonomia jasangarria bultzatzen dituen ereduaren alde”.
Europan aitzindari izan zirenak, alternatiba bila orain
Duela hamarkada batzuk jarri zen martxan Europan errauste sistema zaborrak kudeatzeko. Epe baten barruan, debakatuta egongo da birzikla daitekeen edozein gai erraustea Europaren aginduz. Errauste planten erabileran aitzindari izan zen Danimarkaren kasua dela hori esan du Errenteriako Gobernu taldeak. Bertan, lehengo idera itzultzea erabaki du gobernuak hondakinak kudeatzeko martxan jarri duen Danimarka hondakinik gabe.
Gehiago birziklatu, gutxiago erraustu plan berriaren bidez. Islandia ere bada adibide. 2000 urtean hasita, zazpi errauste planta eraiki zituzten bertan, “dioxina maila igo denez, 7 horietatik, sei itxi egin ditu”, gaineratu du.
