Gaztañoko V. Kroserako dena prest

Sei kilometro eta erdiko bidea egin beharko dute parte hartzaileek 10:30ean hasita, eta auzoan barrena bi itzuli egin beharko dituzte. Gaztañoko plazatik irtengo da lasterketa.

Ikerne Zarate

Errenteria-Orereta

2016/06/16

Iaz egindako krosaren irteera.

Larunbatean, hilak 18, Gaztañoko V. Krosa egingo dute auzoaren jai egitarauaren barruan. Sei kilometro eta erdiko bidea egin beharko dute parte hartzaileek 10:30ean hasita, eta auzoan barrena bi itzuli egin beharko dituzte. Gaztañoko plazatik irtengo da lasterketa. Parte hartu nahi dutenek aurretik edo egunean bertan izena emateko aukera izango dute. Aurretik egiten dutenek, 7 euro ordaindu beharko dituzte lasterketan parte hartzeko; eta egunean bertan (proba hasi baino ordubete lehenago) izena ematen dutenek, berriz, 10 euro. Lasterketa hasi baino ordu erdi elhenago itxiko da izena emateko epea, eta korrikalariek proba aurreko egunetan ziurtatu beharko dute beren izena parte hartzaileen zerrendan agertzen dela. Momentuz 27 lagunek eman dute izena, 23 gizon eta 4 emakumek, eta gehienak errenteriarrak dira. Parte hartzaile guztiek kamiseta jasoko dute, lasterketa amaituta eta pintxo potea ere izango dute aukeran. Gaztañoko Jai batzordeak antolatu du lasterketa eta parte hartuko duten lasterkariei topoz hurbiltzeko eskatu diete, “geltokia auzo ondoan baitago. Garraio publikoa erabiltzeko aholkatzen diegu”. Lasterketa amaituta, berriz, Galtzaraborda eta Fanderiako kiroldegietako dutxak izango dituzte eskura parte hartzaileek. Sariak Seniorretan lehenengo heltzen diren emakume eta gizonak, kopa, txapela eta ardo botila eskuratuko dituzte. Bigarren postua egiten dutenek, berriz, kopa, txuleta eta ardo botila; eta hirugarren sailkatzen direnek, kopa eta ardo botila. beteranoetan, Lehen sailkatzen diren emakume eta gizonak, kopa, txuleta eta ardo botila jasoko dute. Lasterketan parte hartzen duten guztiak zozketan sartuko dira gainera, eta besteak beste, bi pertsonentzako bazkaria herriko bost taberna eta sagardotegietan, txuleta eta ardo loteak, hortz garbiketa, masaje boboak edo indar crossfit saioetarako bonoak eskuratu ahalko dituzte. Lasterketa amaituta, txikien txanda helduko da. Horiek ere izango dute krosa egiteko aukera eta Gaztañoko jaietan laugarrenez. Eguerdian berriz, Gaztañoko plazatik abiatuta arramendiraino txirrinda kronoeskalada egingo dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.