Errenteriako IV Tenis Opena Ereintza Maddalen Saria bihar hasiko da

2016/06/17

Ereintza da tenis openaren antolatzailea.

Gipuzkoako tenista onenak bilduko ditu Errenteria-Oreretara Errenteriako IV Tenis Opena Madalen Sariaren laugarren aldiak, bihartik hasita. 32 parte hartzaile pasako dira Beraungo erabilera anitzetarako pistatik. Ereintza eskubaloiak, Gipuzkoako tenisaren zaleak (ATG) eta Kirolkideren laguntzarekin antolatzen du tenis opena, eta aurreko hiru edizioen balorazio ona egin du: “Harrera ona izan dute hiru edizioek. Horren froga da 2015-2016 denboraldian ATGk puntuaziorik altuena eman ziola Errenteriako lehiaketari”. Launa tenista dituen zortzi talde izango dira. Tenista bakoitzak talde bereko beste hiruren aurkako partida bana jokatuko du talde bakoitzaeko sailkapena lortzeko. Ondoren, kanporaketa zuzenak jokatuko dituzte lau kategoriatan, hau da, talde bakoitzean lehenengo sailkatzen diren jokalariek final laurdenak eta finalerdiak jokatuko dituzte. Uztaila amaieran jokatuko dituzte finalak. Parte hartzaileei dagokienean, Gipuzkoako tenista onenak izango direla lehiaketan zehaztu dute antolatzaileek, “lehenengo bi edizioetako irabazleak, Eneko Millan errenteriarra, hirugarren edizioko irabazle eta finalista, Raul Ramos eta Gabriel Zubillaga, eta ATGren rankingaren lehenengo lau sailkatuak izango dira”. Parte hartzaileen artean, zazpi Errenteriakoak dira, eta lehiaketan lehenengo aldiz emakume bat izango da, Arantxa Busto donostiarra, “Bustoren parte hartzea pizgarria izatea espero dugu openean geroz eta emakume gehiagok parte hartzeko”. Partidak larunbatetan 10:15etik 02:00etara jokatuko dituzte eta igandetan 10:15etik 14:00etara. Sarrera doakoa da eta zaletuek jarraipena egin dezakete hemen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.