Zerbitzuaren bidez mugikortasun iraunkorra sustatu nahi du udalak eta horretarako, 35 bizikleta eta bost mailegu gune egokitu ditu: bi Trintxerpen, eta bana Antxo, San Pedro eta Donibanen.
Bizi_badia bizikleta mailegu zerbitzua aurkeztute gaur.
Garraio iraunkorraren alde egin nahi du udalak, eta horren harira
Bizi-Badia bizikleten mailegu zerbitzua abiatuko du utzailaren 4an. Gaur eman dute horren berri Ibaiondo pilotalekuaren kanpoaldean Lore Suarez zinegotziak, kirol saileko teknikariak eta udaleko hainbat langilek zerbitzuaren barruan maileguan jarriko dituzten bizikleten gainean. Zerbitzuaren bidez mugikortasun iraunkorra sustatu nahi du udalak eta horretarako, 35 bizikleta eta bost mailegu gune egokitu ditu: bi Trintxerpen, eta bana Antxo, San Pedro eta Donibanen. Donibanekoa eta Trintxerpekoak abiatuko ditu lehenik, eta San Pedro eta Antxokoa progresiboki, “hala ere, udan zehar denak jarriko ditugu martxan”, azaldu dute.
Sistema «berritzailea» dela esan dute gainera, «ez dugu ezagutzen antzeko sistemarik, gurean ez delako estaziorik edo sistema elektronikorik. Guztia ditugun baliabideak erabilita antolatu dugu, aurrekontu xume batekin. Bizikletak eta existitzen ziren mailegu puntu batzuk egokitu ditugu, eta kirol instalazioetan dauden langileek kudeatuko dute zerbitzua». Aurrez aurrekoa izango da zerbitzua, eta ordutegiak mailegurako egokitu diren udal instalazioen berak izango dira, «bizikleta hartu zein uzterakoan errespetatu behar ditu erabiltzaileak irikiera ordutegiak. Ez da derrigorrezkoa jatorrian itzultzea bizikleta, edozein gunetan itzuli ahalko da».
Zerbitzua erabiltzeko baldintzak
Erabiltze eremua ez dute Pasaiara mugatu. Donostialdera eta Oarsoaldeko beste hiru herrietara joateko aukera izango dute mailegua egiten dutenek. Bizikleta mailegu zerbitzuaren barruan hiru erabiltzaile mota bereizi dituzte. Pasaiako kirolguneetako bazkideek doan jasoko dute zerbitzua. Pasaiakoak bai, baina bazkide ez direnek berriz, urtean 10 euroko kuota ordainduko dute. Azkenik, pasaitarrak ez direnak erabilera bakoitzeko ordainduko dute, eta horretarako tarifa batzuk zehaztu ditu udalak zerbitzua arautzeko sortu berri duen ordenantzan. Guztira, 20 bizikleta tolesgarri jarriko ditu udalak mailegu puntuetan, eta beste 15 udal langileek lan ordutegiaren barruan, zein etxetik lanerako bidea bizikletan egiteko aukera izan dezaten.
