Frontoian bildu dira eta guztira 15 talde aritu dira otordurik onena prestatu nahian. Itxuraz dotoreak gehientsuenak, eta denak goxoak, ziur. Bat gailendu behar, eta guraso berrien taldeak prestatutakoak eraman du saria.
Paella lehiaketako parte hartzaile guztien argazkia.
Goizetik hasita sukaldatzen aritu dira sanpedroetako kuadrillen eguneko paella lehiekaten parte hartu dutenek. Frontoian bildu dira eta guztira 15 talde aritu dira otordurik onena prestatu nahian. Itxuraz dotoreak gehientsuenak, eta denak goxoak, ziur. Bat gailendu behar, eta guraso berrien taldeak prestatutakoak eraman du saria. Txalo artean jaso dute eta pozik irabazleek. Prestatutako paellak, frontoian bertan egin duten bazkarirako baliatu dituzte.
Gaurko arratsalde eta gaua eta biharko eguna dituzte oraindik jaiak disfrutatzeko. 19:00etan, Zo-Zongo taldekoek
Kolpez blai ikuskizuna aurkeztuko dute. 90 minutuko ikuskizun ibiltaria da, motelenak ere dantzan jartzeko aproposa. The Crazy Wheels Band taldeak joko du ondoren Begihaundi tabernan, 21:00etatik aurrera. 1960ko eta 1970eko hamarkadetako rock and roll amerikarra jotzen du taldeak, euskaraz, blues eta country ukituekin. Gauean, berriz, Haitzama taldearekin dantzaldia egongo da kaian. Hego eta Ertamerikako taldeen euskarazko bertsio dantzagarriak joko ditu berbena taldeak. Hortaz, dantza egin nahi duenak, hor du aukera.
Bihar berriz, Porrusalda Txaranga, helduen Iñude eta Artzainak, pilota partidak, erromeria… eta herriko musikari eta kantuzaleak batuko dituen Denok batera jaialdia izango dira.