Urtebeteko kartzela zigorra ezarri diete bi laguni, kalamua landatzeagatik
258 kalamu landare atzeman zituzten 2014ko azaroan. Zigortuek ez dute espetxera joan beharko.
Emakume bat eta gizon bat urtebeteko kartzela zigorrarekin zigortu dituzte, kalamua landatzeagatik. 2014ko azaroaren 30ean Ertzaintzak 258 landare aurkitu zituen industriagune bateko pabiloi batean. Sententziaren arabera, kalamuak emandako uzta ondoren “estupefaziente bezala” saltzen zuten. Iturri beraren arabera, 3,05 kilo sustantzia zuten, eta merkatuan 3.462 euroko balioa lor zezakeen.
Epaiaren arabera, orain zigortutakoak ohiko erretzaileak ziren landareak aurkitu zituzten garaian. Epaiketak iraun artean, bi akusatuak konforme zeuden urtebeteko kartzela zigorrarekin. Zigor hori ezarri zieten kalamuak osasuna ez duelako kalte larririk egiten, eta “drogazaletasun” aringarria ezarri diete.
Horrela, emakumea ez da kartzelan sartuko, eta bi urtez ezingo du deliturik egin. Gizonaren kasuan, 2.920 euroko isun batengatik aldatu du kartzela zigorra. 
