Skate park berria modu ofizialean inauguratuko dute larunbatean

Erakustaldiak, eskolak eta beste hainbat jarduera egingo dituzte Gaetxe ondoan egin duten skate park berrian.

2016/07/06

Skaterrek eta udalak adostutako arauak daude indarrean skate parkean.

Orain dela aste batzuk erabiltzeko aukera hasi bazen ere, datorren larunbatean inauguratuko dute modu ofizialean Gaetxe ondoko skate parka. Hainbat jarduera egongo dira bertan, 17:00etatik aurrera. Hilabete batzuk eman dituzte skate parka egiteko proiektu parte hartzailean, eta hainbat erabilera arau adostu dituzte erabiltzaile izango direnek. Skate park berria inauguratzeko ekitaldiko giroa dj batek eta speaker batek jarriko dute, eta antolakuntza lanetan Muturreko Kirolak eta El Establo Pirata skate eta scooterzaleen elkarteek lagunduko dute. Honakoa izango da larunbateko egitaraua:

17:00etan: Scooter, skate eta lerro irristaketa eskolak.
18:00etan: Saio librea, skate parka probatzeko.
19:00etan: Skate, scooter eta bmx (Quentin Larralde) erakustaldiak.
20:00etan: Bina scooter eta skateren zozketa parte hartzaileen artean.
20:10ean: Saio librea, skate parka probatzeko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.