Alkateak eta Oarsoaldeko ordezkariak, azalpenak ematen.
2015eko balorazioa egiterakoan, “joera aldaketa” berretsi egin dela adierazi du Oarsoaldea Garapen Agentziak. Joera aldaketa hori langabezia tasan (2014aren bukaeran %14,63, 2015aren bukaeran %13,37), agentziak kudeatu dituen lanpostu kopuruan (%36 hazi da) eta beste adierazle batzurekin kokatu du. Kontra, alde iluna ere ikusi du 2015ean: enpleguaren politika aktiboetarako baliabideak murriztu egin direla esan du Oarsoaldeak talde zehatz batzuetan, eta era berean, Euskal Enplegu Zerbitzu Publikoaren eredu berria definitzeke dagoen heinean, Oarsoaldearen zeregina “ezezaguna” dela esan du.
Oarsoaldeko presidente eta Errenteriako alkate Julen Mendozak esan zuenez, 2015ean sektore berrien aldeko apustua, beste sektoreetara hurbiltzea (aeronautika edo turismoa) eta hainbat egitasmo zehatzetan indarra jartzea (Pasaiako Albaolaren Itsas Faktoria, esaterako) izan dira 2015eko indarguneetakoak. Iaz enpresen dibertsifikazioa bultzatu zela esan zuen Mendozak, “teknologia anitzagoa erabiliz eta lankidetza proiektuetan murgilduz”, eta ekintzailetza ere sustatu dela nabarmendu zuen, batez ere gazteen artean. Horien barruan aipatu zituen Habian!, Kokatu, Oarsotek, eta Hazi proiektuak.
Hizkuntza ohituretan eragiteko ere ahalegina egin zuen 2015ean Oarsoaldeak, euskaraz hitz egiteko gune berriak sortuz hainbat sektoretan. Gainera, etxebizitzen birgaitzerako programak aurrera eraman ditu, energia eraginkortasuna bultzatu du, eta kontsumitzaileen eskubideak defendatzeko lanean jardun du.
Alta, 2016rako erronketakoa Pasaiako badia suspertzea dela jakinarazi zuen Oarsoaldearen presidenteak, “estrategia partekatua definituz”.
Joan den ostiralean aurkeztu zuen garapen agentziak 2015eko memoria Oiartzungo Fermiñene Etxean. Bertan Oarsoaldeko lau udalerrietako alkate eta udal ordezkariez gain, beste hainbat sektoretako ordezkariak bildu ziren.
Fernando Nebreda Oarsoaldeako kudeatzaileak 2015an egindakoen bideoa aurkeztu zuen (behean). Aldi berean, bai udalei zein garapen agentziako langileei eskerrak eman zizkien egiten duten lanagatik.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
