[Argazki galeria eta bideoa] Erraldoia da Errenteria-Orereta

Ane Santestebanen omenez ekitaldia egin dute udal ordezkariek eta herritarrek biteri kalean. 3.000 euroko txekea eman diote txirrindulariari.

Ikerne Zarate Gartziarena

Errenteria-Orereta

2016/07/25

Ane Santestebanek herritarren eta udalaren babesa jaso du.

Gaur amaituko dira madalenak Errenteriako Musika Bandak zentenarioaren doinuak jotzen dituenean. Aurretik ordea, egun osoa dute oraindik errenteriarrek gozatzen jarraitzeko. Erein elkarteak antolatutako Erraldoi eta Buruhandien Konpartsen Topaketak hartu ditu kaleak eguerdian. Xanti eta Maialenen konpartsarekin batera, Trapagaran, Areatza, Burlata, Pasaia, Galtzaraborda eta Pontikako konpartsak aritu dira kaleak kolorez betetzen. Erraldoia bihurtu dute herria konpartsek, baina erraldoi egin du ere Ane Santesteban, olinpiar jokoetan parte hartuko duen txirrindulari errenteriarrari egin dioten omenaldiak. Biteri kalean, txirrindularia animatzeko udalak jarrita duen pankartaren azpian, hamarnaka herritar bildu da udal ordezkariekin batera, txirrindulariari babesa adierazi eta animoak ematera. Agurra, lore sorta, eta udalaren 3.000 euroko txekea jaso ditu Santestebanek. Harro egoteko arrazoia dela Santesteban esan du Julen Mendoza alkateak, eta abuztuaren 7an parte hartuko duen proban zorterik handiena opa dio. Santestebanek ere hartu du hitza. Eskerrak eman dizkio udalair eta herriari eskainitako babesagatik, eta Rioko olinpiar jokoetan “dena ematera” joango dela esan du. Arratsaldean berriz ere konpartsak Arratsaldean buruhandi eta erraldoien konpartsak hartuko ditu berriz kaleak. Baina horrekin batera, haurrentzako antzerkia, kontzertua, urezko zezena eta entzierro txikia, Santi eta Maialenen agurra eta zezen suzkoa ere ez dira faltako.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.