Utzi dena alde batera: hasi dira xanistebanak

Haurtzaro Ikastolako ordezkariek botatako txupinak eman die hasiera jaiei, udaleko ordezkariek eta dantzariek soka dantzan aritu ondoren.

Erik Gartzia Egaña

Oiartzun

2016/08/02

Suziriaren ondoren, Erraldoien Konpartsa atera da, Lartaungo txistulariekin.

Egun seinalatua iritsi da. Gaur bota dute Haurtzaro Ikastolako ordezkariek xanistebanak iragartzen duten suziria. Oiartzungo zeru gainean eztanda egitearekin batera, elizako ezkilen soinuak esan du festa giroa hasi dela. Udaletxeko balkoiak bolbora usaina hartu baino lehenago, Udalbatzako kideek soka-dantzan aritu dira plazan, dantzariek lagunduta. Protagonismoa plazatik balkoira pasatu ondoren, erraldoi eta buruhandiak irten dira kalejiran, kaskoko kaleetan zehar. Gaua luzea izango da, baina, badaezpada, biharko egitaraua hemen ikus daiteke. Hau hasi besterik ez da egin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.