Jabekuntza eskolak laugarren ikasturtean du Pasaian.
Pasaiako mugimendu feministako kideak, iazko mundu martxan.
Pasaiako Berdintasun Mahaian biltzen diren taldeek ikastaro sorta zabala antolatu dute Jabekuntza Eskolaren barruan. Harremantxo, Bezkoz Beko, Azkuene, Topaketa, Lagun Artea, eta Pasaiako Udalaren Berdintasun Arloa elkarlanean aritu dira eskaintza atontzeko, eta hainbat ikastaro eta jarduera proposatu dituzte datorren ikasturterako.
Jabekuntza eskolaren laugarren ikasturtea izango da aurtengoa, eta bere bultzatzaileek gogorarazi dutenez, “hausnarketarako, sendotasunerako eta topaketarako tokia” izan nahi du. Eskaintza emakume pasaitarrei zuzendua da “emakumeak antolatzea eta saretzea” delako eskolaren nahia.
Matrikula doan eta ikasturte osoan zabalik
Izena emateko 943004320 telefono zenbakira deitu behar da, edo
posta elektronikoz idatzi.
Jarduera guztiak doakoak izango dira, eta haurtzaindegi zerbitzua ere eskainiko da, aurrez eskaera eginez gero. Izena emateko epea urte osoan egongo da irekia.
Informazio gehiago nahi izanez gero, Pasaiako Udalaren Berdintasun arlora jo daiteke,
Trintxerpen, Euskadi etorbidearen, 27. zenbakira.
PASAIA AHALDUNTZE ESKOLA