Otegiri bozetara aurkeztea debekatu izana salatu dute hainbat herritarrek

Hainbat esparrutako 57 oiartzuarrek mezua helarazi diote iritzi publikoari, EH Bilduren lehendakarigaiak aurkezteko zilegitasuna.

Erik Gartzia Egaña

Oiartzun

2016/09/07

Manifestuaren hasierako sinatzaileetako batzuek agerraldia egin zuten atzo [Argazkia: Oskar Zapirain].

Arnaldo Otegiri bozetara aurkeztea debekatu diote, eta horren aurrean, Oiartzungo 57 herritarrek idatzi bat argitaratu dute, “Euskal Herriko, munduko, baina bereziki Oiartzungo iritzi publikoari” zuzenduta. Honakoa da mezua: Lerro hauen irakurleei-entzuleei hemen eta orain demokraziaren kalitateari eragiten dion arazo larri baten berri eman nahi diegu: Herri honetan agertoki berriak irekitzearren – beste askoren artean- ekarpen funtsezkoa egin duen Arnaldo Otegik hautetsontzien bidez etorkizuneko kargu bat har dezan ekiditeko saioa, beste behin ere, demokraziaren oinarrizko baloreei eginiko erasoa da. Beraz, aukera duten guztiei honako gonbidapena egiten diegu: eraso larri honen aurka bat egin dezatela eta hautagaitza honen zilegitasuna adierazi diezaietela herri honetako erakunde gorenei. Arnaldo Otegik bere hautagaitza aurkezteko eskubidearen defentsan. Oiartzundik ere, eman diezaiogun bultzada mezu honi! Horretarako, kultur, kirol, komunikazio eta irakaskuntza arloan gabiltzan 57 oiartzuarrek dagoeneko eman dugu pausoa eta gure herrikideak ere horretara animatu nahi ditugu [Webgune honetan sinatzea eskatu dute: http://basquecivilrights.eus/] Sinatzaileak

Nerea Abancens, Napo: Oiartzun Kirol Elkarteko Superligako futbolaria.
Edurne Agirrezabala: Aktorea.
Izar Aizpuru: Dantzaria.
Oinatz Aizpuru: Info7 irratiko esataria.
Karlos Aizpurua: Bertsozalea.
Mikel Ajuria: Goi-mendizalea.
Teresa Andonegi: Aktorea.
Garazi Ansa: Arte komisarioa.
Udane Ansa: Ilustratzailea eta diseinatzailea.
Pello Añorga: Ipuin-kontalaria eta idazlea.
Eihartze Aramendia: Kazetaria.
Garikoitz Argote: Oiartzun Kirol Elkarteko Superligako taldearen entrenatzailea.
Usoa Arbelaitz: Irakaslea eta kazetari ohia.
Igor Arruabarrena: Beirako musikaria.
Mikel Arruabarrena: Beirako musikaria.
Bixente Artola: Masajista.
Mikel Astarloza: Txirrindulari ohia.
Ane Badiola: Abeslaria.
Idoia Beratarbide: Ilustratzailea.
Dabid Brun: Oiartzun Kirol Elkarteko Superligako taldearen entrenatzailea.
Amaia Cardona: Irakaslea.
Imanol Esnaola: Soziologoa.
Xose Estevez: Historialaria.
Eduardo Etxeberria: Beloaga Bizirik.
Aintzane Galardi: Irakaslea eta poeta.
Eneko Gil: Dantzaria.
Oier Guillan: Idazlea.
Karlos Ibarguren: Sendagilea.
Alazne Inziarte: Oiartzun Kirol Elkarteko futbolaria.
Iratz Inziarte: Eskalatzailea.
Ander Iriarte: Zinemagilea.
Joxe Iriarte, Bikila: Idazlea.
Imanol Irigoien: Margolaria eta poeta.
Joxe Mari Isasa: Margolaria.
Joxe Mari Iturriotz: Irakaslea, idazlea eta Beloaga Bizirik taldeko kidea.
Antton Kazabon: Idazlea.
Lur Korta: Ipuin-kontalaria eta aktorea.
Goiatz Labandibar: Kazetaria eta idazlea.
Ainara Lasa: Artista.
Arantza Manterola: Gipuzkoako Ikastolen Elkarteko lehendakaria.
Mirari Martiarena: Oiartzun Irratiko esataria.
Alaia Martin: Bertsolaria eta irrati esataria.
Jon Martin: Bertsolaria, irakaslea eta Beira taldeko abeslaria.
Anton Mendizabal: Eskultorea.
Mikel Mendizabal Idiazabal: Irakaslea.
Bixente Mitxelena: Segalaria.
Irati Odriozola: Abeslaria.
Urtzi Olaziregi: Musikaria.
Jose Luis Paulin: Sendagilea.
Aitor Puertas: Kirolari olinpikoa.
Olatz Retegi: Antropologoa.
Fatimetu Salec: Sahararra.
Ainhoa Urretabizkaia: Kazetaria.
Nagore Vega: Kazetaria.
Ugaitz Zalakain: Gobernuz Kanpoko Erakundeetako ekintzailea.
Oskar Zapirain: Argazkilaria.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.