Otegiri babesa emateko ekitaldia antolatu du EH Bilduk

Photocall-a jarriko dute inhabilitatuko hautagaiari babesa adierazteko, eta ekitaldi nagusiarekin konexioa egingo dute, pintxo eta edariek lagunduta.

Erik Gartzia

Oiartzun

2016/09/08

Hauteskunde kanpaina prestatzeko batzarra egi zuten astelehenean.

Oiartzungo EH Bilduk Arnaldo Otegiri babesa emateko ekitaldia egingo du arratsaldean, Doneztebe plazan. Salatu dutenez, koalizioko kideek Otegi lehendakarigai izatea”modu ireki eta demokratikoan” aukeratu zuten. “Ez dugu onartuko inork erabaki politiko batengatik EH Bilduko hautagaia nork izan behar duen esatea”, jarraitu dute. Horrela, euren esanetan, Otegiri hautagaia izateko debekua ezartzearekin bilatzen dutena ez da inhabilitazio soila, “proiektu politikoen lehia oztopatzea baizik”. Horregatik, iragarri dute, “inoiz baino gehiago” EH Bilduren Herri Proiektua kalean egongo dela, hori delako “isilarazi nahi dutena”. Horregatik, deia egin diete euren jarraitzaileei: “Bilaka dezagun gure haserrea gure mezua ahalik eta txoko gehienetara zabaltzeko aukera”. Horrela, arratsaldean, 18:00etatik 21:00etara photocall-a egongo da plazan, Otegiri babesa emateko argazkia aterako dute bertan, bakarrik edo nahi den konpainiarekin. 20:00etan, berriz, konexioa egingo dute Bilboko Areatzarekin, EH Bilduk bertan egingo baitu kanpaina hasierako ekitaldi nazionala. Pintxoak, edariak, musika eta “giro ona” ziurtatu ditu koalizioak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.