Bizikleta festa egingo du udalak, garraiobide iraunkorra sustatzeko

Errenteriako Gurpilartea elkarteak Biziberritu Kanpaina aurkeztuko du, bestalde, larunbatean.

2016/09/13

Bizikletaren erabilera sustatzea da helburua.

Mugikortasun Iraunkorraren Europako Astea egingo dute hilaren 16tik 22ra, eta horren harira, bi ekintza antolatu ditu errenteriako Udalak. Hilaren 17an, larunbatarekin, bizikleta festa egingo du. Bosgarren aldia izango du Bizikleta Ibilaldiak. Errenteria barruko errepidetik martxa kontrolatua egingo dute, orduerdi inguru iraungo du eta irteera eta helmuga Biteri kalean izango ditu. Adinka banatuko dituzte parte hartzaileak. hamar urtetik beherakoak, 11:00etan izango dute zita Biteri kalean eta baita haiekin batera irtengo diren guraso eta laguntzaileek ere. 11 urtetik gorakoek berriz, ordubete beranduago egingo dute irteera puntu beretik. Udalak parte hartzera deitu ditu Oarsoaldeko ikastetxe guztiak, eta baita gainontzeko herritarrak ere. Parte hartzea doakoa izango da, eta ez da aurretik izena eman beharko. Kaskoa erabiltzea, berriz, derrigorrezkoa izango da ibilaldian parte hartzeko. Udal Bizikleta Bideen sarearen erabileraren gaineko azterketa egingo du, bestalde, udalak. Horretarako, sarearen hiru gunetan txirrinda erabileraren zenbaketak egingo ditu hainbat kontagailuren bidez. Oinezko eta bizikleta bidezko mugikortasun plana Joan den martxoan onartu zuen errenteriako Udalak oinezko eta txirrinda bidezko Udal Mugikortasun Plana, bizikletaren erabilera bultzatzeko. Gaur egun bidaia guztien %1 egiten dute herritarrek bizikletan eta kopuru hori %5era eraman nahi du udalak planaren bidez. Errenteriako Gurpilartea elkarteak Biziberritu Kanpaina aurkeztuko du, bestalde, larunbatean. Zumardian karpa jarriko dute horretarako 10:00etan kanpainaren nondik norakoak azaltzeko kartelekin. Bizikletak eta horien osagarriak merke salduko dituzte bertan, gainera.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Bizikleta festa egingo du udalak, garraiobide iraunkorra sustatzeko

Gipuzkoa

Alokairu kontratua amaituta etxetik egotzi nahi dituzten hamahiru familiaren egoeraz ohartarazi du Kaleratzeak Stop plataformak

Tabuak kutxatik aterata, giro ederrean ospatu dute Inurri Eguna Usurbilen

Nazioarteko artistak eta euskal musikariak izango dira Boga Boga jaialdian

Joseba Zalakain izango da Gipuzkoako Zainketen eta Gizarte Politiken Ebaluaziorako Agentziako zuzendaria

EH Bilduren Gipuzkoako Mahai Politikoak Maddalen Iriarte proposatu du ahaldun nagusirako hautagai izateko

Ertzaintzak zaintza kameren grabaketak eskatu dizkie Azpeitiko saltokiei, hiltzailea aurkitzeko lagungarri izanen direlakoan

Ertzaintzak Azpeitiko hainbat etxebizitza miatu ditu, baina ustez taxilaria hil zuen susmagarria aurkitu ez

Gipuzkoako Foru Aldundiak politika publikoek pertsonen bizi kalitatean duten eragina neurtzeko agentzia bat sortu du

Etxe baten usain goxoa

Elkartasuna «kriminalizatzea» leporatu dio Donostiako Harrera Sareak Insaustiri

Gipuzkoako Artzain Eguna irailaren 6an egingo dute, Legazpin

Naomi Watts aktoreak ere jasoko du Zinemaldiaren Donostia saria aurten