Elizako kanpandorrea eta organoa ezagutzeko bisita gidatuak egingo dituzte

Urriaren 8an, goizez eta arratsaldez, izango dira lau bisitaldiak. Soinueneak, Cavaille-Coll eta herriko ezkila joleek antolatu dituzte.

Erik Gartzia

Oiartzun

2016/09/29

Josune Cousillas, Oiartzungo Kultura zinegotzia; Anton Mendizabal, gida; Lorena Zalakain eta Larraitz Mitxelena ezkila joleak eta Esteban Agirre, organista.

Done Eztebe parrokiako kanpandorrea eta Cavaille-Coll organoa ezagutzeko bizitza gidatuak egingo dituzte urriaren 8an. Soinuenea Fundazioak, Cavaillé-Collen Lagunek eta Oiartzungo ezkila joleek antolatu dituzte bisitaldiak. Gaur egin dute aurkezpena, Josune Cousillas Kultura zinegotziarekin batera. Goizez bi bisita egingo dituzte, 11:00etan eta 12:00etan. Arratsaldez, beste bi: 16:30ean eta 17:30ean. Bisita bakoitzak 50 minutu iraungo ditu, eta aurrez erreserba egin ahal izango da, 943 49 35 78 telefono zenbakira deituz gero. Bisita gidatuak musikatuak ere izango dira. Gida lanetan, Anton Mendizabal eta Joseba Zabaleta ariko dira. Organoa jotzeko ardura Esteban Agirre eta Begoña Bergaretxe izango dira, eta txistuarekin Aitor Arozena eta Jon Ansorena egongo dira. Goian, kanpandorrean, ezkilak jotzen ariko dira Joxe Mari Egues, Larraitz Mitxelena, Lorena Zalakain eta Joseba Zabaleta. Udalak herriko ondarea ezagutzeko gonbita luzatu die oiartzuarrei, “hain ezezaguna eta oiartzuar guztiona den historia eta kulturaren altxor ezagutzeko”. Ildo horretan, Cousillasek antolatzaileak eskertu ditu herriko ondarea ezagutarazteko egiten ari diren lanagatik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.